「冬至人」
「點解」
我是一名中五生。好多人都覺得學生應該安份守紀讀好啲書 政治呢啲野咁敏感 少掂為妙 但直至見到呢個政府咁無能 又漠視民意嘅時候 我都好想同其他學生同埋其他香港人一樣 以行動黎表達不忿 而我認為 香港嘅未來以及自由 遠比學業重要。
「感受」
雖然並不能夠好似其他香港人一樣能夠喺陣地渡過每一日每一夜 但我都有抽出一個短短下午嘅時間 到金鐘佔領區做義務工作 負責收集佔領者嘅垃圾 拎住個好大嘅黑色膠袋由金鐘物資站走到中環皇后像廣場 沿途佔領者都有向我加油打氣 仲有人對我講一句多謝你 呢一句令我非常鼓舞 感動得有啲眼濕濕 忽然覺得香港人好靚 生於香港 真好 更令我覺得我走出黎支持呢個決定一啲錯都無。
「期望」
雖然金鐘佔領區已經曲終人散，但人散，意志不散，一個運動嘅結束，將會係另一個運動嘅開始，香港人只會變得更堅強，更無畏無懼，我仍然堅信，香港人會係最後嘅勝利者，香港會得到自由與和平，而雨傘運動亦會長存每一個香港人嘅心中，揮之不去！天下無不散之筵席，共勉之！
