「失蹤」
今年其實發生咗啲乜嘢事呢？點解咁多飛機無啦啦會唔見咗？年頭一架到今日仲未搵返，過咗幾個月又話俾飛彈射咗落嚟，今日飛飛下又唔見咗。馬來西亞啲航空公司今年真係超黑仔。每次一睇到嚟啲新聞都好震驚！咁大隻飛機係個天度飛，點解可以唔見嚟？而家係 2014年，一個科技發達嘅年代，航空業理應越嚟越安全先啱，點解一次又一次唔見咗隻飛機。。。
「雷達」
講真，一架飛機點先可以係咁多「雷達」同「人做衛星」底下特然之間可以唔見咗？我真係諗極都諗唔明點解可以咁易就唔見咗，真係咁易？連軍事雷達都避得過？唔通民航客機可以變做隱形戰機？咁唔需要科學家用咁多時間同心機去研發隱形戰啦。又唔通啲飛機可以低飛到一個高度可以避開所有雷達？咁個機師啲飛行技術都好叻下。
「相似」
點解次次唔見飛機都係嚟自馬來西亞嘅航空公司？次次都係短程機？唔見嘅地方都係印尼上空附近嘅？兩班航機都無同控制塔發出過求救訊號？唔通真係有人係背後另有陰謀？唔通有恐怖組織「收集飛機」嚟佈署之後嘅恐怖襲擊？需然唔知嚟個可能性有機多但係點都好，真係希望係機上面嘅乘客可以無事，大家可以平平安安返屋企。
