「花地瑪」
「點解」
還記得 927 係我第一日出黎撐學生，原因係學生衝入屬於香港人既公民廣場而被捕，我不能睇住學生為香港爭取民主而自己係屋企齋坐所以出左黎支持佢地。還記得 927 佔中三子正式宣佈佔領中環正式啟動，當時我仲係度諗唔知呢場運動會唔會一個禮拜就完結。點知，我相信亦無人可以估計到呢場運動一去就去左79日。
「感受」
928 當政府施放 87枚催淚彈，市民自發發起佔領旺角同銅鑼灣。呢兩個多月來，我沒有通宵留守過，只是每日放工後都到金鐘支持所有學生、市民。每個佔領區、每一個角落都有著香港人既精神。展示品、自修室、樓梯、物資等等都有著香港人既人情味。
「期望」
雖然到最後政府將3個佔領區都分別清場，但係點清都清唔走香港人堅持爭取民主既決心。我相信只要大家堅持，民主總會戰勝歸來。籍呢個機會，我衷心多謝每一位爭取過香港民主既學生同市民。就算失望，未能絕望！我要真普選！
