「潛水」
睇返嚟個「一哥」真係唔知點評論佢好。自從「雨傘運動」開始一直潛水，直到件事完結先浦頭。真係「彩就佢拎，鑊就你孭」，依家日日高調出嚟講嚟樣講嗰樣。唔係你老細「689」要你出防暴同放催淚彈意圖清場，你有點會硬着頭皮同你啲細講「你哋冇做錯到！」嚟以圖挽回啲細嘅士氣。如果你係妥你老細，就唔會係10月中嘅授勳儀式同佢近乎零交流，仲唔握手，之後又要補鑊影返。。。
「慈母」
大家睇完佢個「慈母論」話 10月3日旺角出現大規模衝突，「場面極之極之混亂」，佢哋好似慈母咁保護啲佔領者，用個身身體擋住反佔領人士，讓學生離開，以免佢哋受傷。如果係咁就唔會出現咁多問題啦！又黑警，又暗角，又暴力，等等嘅出現！仲話保護市民？真係好笑！行街都會俾人打，香港多得你個團隊！有咁嘅老闆就有咁嘅員工，真係冇講錯！
「鷹派」
一哥最經典嘅金句：「為維護法紀而要道歉，係天方夜譚」，字字擲地有聲，就係為咗一洗前任「Sorry Sir」嘅頹風。當社會矛盾愈深，累積得愈長，爆發力就會愈大。就好似今次運動咁，一發不可收拾！用強力鎮壓手法只會令怨憤擴大矛盾加深。以為用逮捕手法同強硬態道對付示威者，就可以萬事大吉，回復社會和諧。要從新對警隊回覆信心，真係「天方夜譚」！
