「可笑」
認真，點解「鐘樹根」可以做到立法會議員？我真係唔知，但係好似記得我嫲嫲講過佢係唔知乜乜福建嘅同鄉。好明顯有係啲「建制派」嘅所作所為。呃啲老人家再叫啲屋企人投俾同鄉。咁佢咪入到「立法會」囉！投俾佢我就真係「癡筋」。我中文水平一定唔叻，但係「樹根」個啲真係冇得頂。「子烏虛有」，「焚書坑孺」，「雞毛鴨蒜」，「明張目膽」，「出言悔辱」。。。
「英文」
樹根中文唔好，英文更大鑊！仲話係英國雙碩士學位身份，咁點解可以將英文「基建」邊咗做「煙花塞牆」？佢啲 「Same On You」，「What Are Is Your Daily Work？」，「You Are 尖明 On Your Office？」，「I Don’t Think So 囉！」等等都係會笑死你。我英文都唔係叻架啦，但係佢英文屎未必無原因。佢間大學學費比牛津劍橋都要貴，不過排名長期處於英國大學排名榜尾位置。你話唔個學位仲唔係買返嚟？
「白痴」
佢成鬼日亂「貼圖」，「尖銳陷阱」其實係「越戰時使用嘅陷阱」，「暗藏刀片在雨傘的『鐵蓮花』武器」其實係「藝術裝置」。呢個世界真係無其不有！仲有仲有，話自己係「第一代IT人」，點知「串流」同「下載」都唔識分。想點呀？有啲咁嘅「立法會議員」真係影衰晒。香港變成咁都係多得嚟啲人。話要幫香港人北上掘金。唔好意思囉，我十年前已經上咗去啦，仲已經返咗嚟香港添啦。北上？掘金？
