「開始」
由十月底開始收集「雨。感受」，目的係通過一篇篇嘅小文章去令多啲人了解運動嘅原因同感受！慢慢當一篇又一篇嘅文章寄俾我嘅時候，真係喜出望外！冇諗過大家會咁支持我嘅諗法。當然我獅子開大口想收集到五百篇，唔知得唔得，不過如果每一個係 Facebook Like 咗『雨。感受』嘅朋友都寫一篇嘅話，嚟個目標其實唔難實現！到咗今日已經收到『六十五篇』，真係要多謝大家！
「延續」
今晚係「銅鑼灣雨傘廣場」清場前嘅最後一晚，印刷品係星期五開始到嚟刻已經派咗超過八千張！雖然冇咗『雨傘廣場』但係當我哋收集到一定嘅數目就會出書。所以大家記得記得將你嘅感受盡快俾我哋，等我哋可以快啲可以達成願望！我哋當然唔會就咁停落嚟，我哋會繼續用唔同嘅方法同大家見面。所以「雨。感受」會延續落去，只要你寫俾我，我就會 Post 出嚟！
「其望」
其實我得一個其望，就係用文字去喚醒更多香港人！希望大家唔好因為清場而放棄！因為現在先係開始！亦希望用文字去記錄今次大家對運動嘅一切，十年後等大家仲會記得今日我地有去爭取過！不論香港到時係點，我相信大家都會記得大家一起爭取嘅日子！等我哋可以用文字去傳俾所有香港人嘅下一代！大家繼續加油！希大家繼續投稿俾我去記錄你今日嘅感受！為著明天，要記得今晚！
Facebook 專業：『雨。感受』
了解投稿詳情：請到嚟篇文章
