「雨傘」
過去個「七十五」日，香港出現咗個奇蹟！「雨傘」喚醒咗好多香港人！一個終結係代表另一個新嘅開始，今日唔係「雨傘運動」嘅完結，而係一個新嘅開始！抗爭嘅路係好漫長！大家因為「雨傘」而聚亦因為「雨傘」而散，不過我相信好快我哋會再「聚」！「雨傘」代表好多好多嘢，唔係三言兩語可以解釋，係一個好複雜嘅感受。去過嘅你應該明白嚟一切係得來不易！
「感觸」
要嚟嘅一定會嚟，見到大家依依不捨，一張又一張熟識嘅面孔，一句又一句寫係地上嘅說話，一張又一張嘅標語，一個又一個帳篷，一幅又一幅嘅橫額，一張又一張嘅便利貼，一件又一件嘅藝術品，等等都好唔捨得。我只可以用身體去感受，用相片去記錄，用文字去舒發。。。留守嘅最後一晚，心情沉重，只可以同你哋講聲加油同無限嘅感激！希望係唔同地方再見！
「回憶」
希望當各村莊消失後，大家要緊記點解當初我哋會行出嚟！要記得香港人嘅精神，香港人嘅人情味，香港人嘅創意，香港人嘅社區，等等！嚟個先係我哋嘅根同核心價值。最重要係唔好被歲月磨滅今日嘅一切，要繼續感染更多人同係唔同地區喚醒更多香港人，令我哋同下一代有個更好嘅將來！我哋只係暫別，因為佢可以清到個場，但係清唔到我哋個心！大家加油！我哋會返嚟㗎！
