「少年」
係香港，未出世就已經要同人爭嚟樣爭個樣！由婦產科醫生，醫院，奶粉，幼稚園，小學，中學，大學，等等。。。都要同人爭。因為香港嚟個環境，父母變成「怪獸家長」，啲細路變成「港孩」。仲要去學幾十萬樣嘢，話唔好輸係起跑線！咁仲有乜嘢童真。個個俾洗腦，方程式化，無晒童真。雖然話生活好咗，時代唔同咗，但係佢哋將來真係好咗？
「中年」
出嚟做嘢，為事業，為生活，為家庭，為子女。要生活得好，就要高人工，所以有啲行業嘅人才就越來越少！最終令到今日嘅香港經濟體不平衡，大部分中年人因為要為兩餐越來越短視！利益行先，唔好阻住搵食！人工十年如一日，加咗等於無加！想結婚？無二三十萬都唔使諗，年年樣樣加，除非真係簽張紙！買樓？冇一二百萬首期又係唔使諗！連租金都最少一兩萬。。。
「老年」
人老咗，當然想安居樂業。好彩嘅有層樓，但係冇退休金，銀行冇利息，生活費年年加，生活質素慢慢倒退。。。生活，醫療越來越無保障。。。咁仲點安居？就算有層樓，真係唔使保養咩？想話拎政府福利。。。又多限制，又煩，仲要幫唔到啲乜，分分鐘等幾年！蛇都死！就算離開，要有個地方好好安方又係一個問題。。。一生就咁過去了。。。
