「音公諸」
「點解」
起初聽到佔中，不以為然；但 928 前後，開始支持佔領運動。同好多香港人一樣，支持主要係因為催淚彈事件，覺得係時候身體力行，（喺自己承受範圍之內）為未來「做啲嘢」。
「感受」
之前聽到「你呃人」嘅言論覺得好遙遠，遙遠到連想像都冇想像過。驚訝呢一日「放催淚彈嘅一日」原來咁快已經來到。。。而且自己竟然都食咗幾粒。更驚訝佔領運動中，港人展現出嘅公民質素。可以同大地震後嘅日本相比，絕對值得自豪。
「期望」
無可否認，而家佔領運動已經進退失據，大家對之後點行仍然莫衷一是。其實民主 (到目前為止仍然) 係沒有最好只有更好；可以想像即使佔領運動完結，無論結果好壞，大家對民主呢個議題仍然係會有好大爭議。我希望運動唔會有進一步嘅受傷、流血，希望運動有一個相對圓滿嘅結果，更希望香港人對社會嘅熱誠，會持續落去。
