「潮流」
啱啱係 Facebook 見到朋友 Post 咗編關於 2015年 Digital 工作中最潮嘅頭五位嘅工種。當中有我一直堅持去推動嘅「數據分析」相關嘅職業。睇完嘅時候當然開心，因為堅持咗咁多年，一直相信「數據分析」係一個相當有前景嘅行業。回想起七，八年前一個無人識嘅職業到變成潮流嘅尖端，真係唔易。不過潮流亦會變成危機，令整個行業崩潰。就好似科網爆破咁，一去不返！
「隨心」
一位我好尊敬嘅前輩（Rudi Leung）回覆我嘅留言嘅時候講咗句「如果你想係任何行業做得好嘅話，應該隨心而行，而唔係跟隨潮流」。睇到之後有點感觸，因為多年前接觸咗「數據分析」亦相信佢會改變個市場，所以決定係香港嚟個地方由「零」做起。無人知得定唔得，諗返起真係「隨心而行」同因為「熱愛」嚟個專業。當然更希望因為嚟個行業可以改變市場對某啲產業過去嘅睇法。
「信念」
我好多時同一啲學生或者啱啱創業嘅人講，做任何嘢都要有信念，要堅持同專注先可以成功。雖然唔係一時三刻可以見到，但係因為少少事就放棄，咁就一定唔會成功。所以我會繼續堅守自己嘅信念，令香港成為亞洲數一數二嘅「數據分析」嘅基地。唔知幾時會成功，但係冇計啦，自己鐘意！一係唔做，要做就做到最好！要抱住謙卑之心，不斷學習，再向前邁進！
參考文章：
Top 5 Digital Job Trends For 2015
