「問心」
當「雨傘運動」去到嚟一刻，問心真係有啲唔甘心！民意逆轉係政府嘅陰謀，一直唔承擔，唔面對，唔對話，就因為佢哋睇死我哋呢班香港人會自我分化！雖然大大話話去到六十幾日，真係出乎意料，但係你真係吹隻「狼」唔脹。其實通過討論先可以團結同成功，各自用各方法就好似一盤散沙，不堪一擊。自首，去留，絕食，等等都係各有各睇法。有啲認同，有啲質疑，但係都要尊重大家嘅決定。
「去留」
一個好深嘅問題。「徹退」有正反兩面。正面嘅係重組策略再戰江湖。反面嘅係被質疑六十幾日嘅抗爭為乜。但係「徹退」就代表「香港」輸咗？或者，因為唔知下次幾時先會有咁多香港人行出嚟。「留守」亦都有正反兩面。正面嘅係話俾所有人聽大家六十幾日嘅抗爭得來不易。反面嘅係六十幾日嘅抗爭都無成果，民意逆轉，留守會改變嗎？嚟一刻真係進退兩難，但係點都好，大家應該係唔同角度睇吓同尊重佢哋嘅決定。
「抒發」
寫咗咁多日嘢，我非常認同「王維基」嘅講法。因為我寫嘢都係抒發我的情感，唔雖要任何人嘅認同或平論。「王維基」認為社會有不同的聲音，不是分化，「社會充滿權勢的暴力，不斷增加仇恨，才是分化社會之原因」。如果俾孩子擁有別於自己嘅獨立思想，就係「分化」嘅話，那就無話可說了！我都借佢一句「我寫文章，係為咗抒發我嘅情感，睇到不合理嘅事，也希望抒發一下。如果我所寫嘅嘢，要顧及所有嘅人，咁不如唔好寫啦！」。
