「聲明」
「中英聯合聲明」係指『中國』同『英國』就「香港」嘅問題作出一份共同發表嘅聲明。係 1984年12月19日由中國國務院總理「趙紫陽」與英國首相「戴卓爾夫人」係中國北京簽訂，當時中國最高領導人「鄧小平」和中國國家主席「李先念」等都有係現場見證。兩國政府係 1985年5月27日互相交換批准書，並且向聯合國秘書處登記，《中英聯合聲明》正式生效，象徵歷時 13年半嘅香港過渡時期嘅開始。
「內容」
相信大家最關注嘅內容一定係「普選」！聲明入面第三段，第四點「香港特別行政區政府由當地人組成。行政長官在當地通過選舉或協商產生，由中央人民政府任命。主要官員由香港特別行政區行政長官提名，報中央人民政府任命。。。」雖然《基本法》45條已經列出有關行政長官產生辦法，亦係附件內提供解釋，不過條文內嘅字眼較為模糊。
「現實」
聲明第三段，第十二點「關於中華人民共和國對香港的上述基本方針政策和本聯合聲明附件一對上述基本方針政策的具體說明，中華人民共和國全國人民代表大會將以中華人民共和國香港特別行政區基本法規定，並在五十年內不變。」如果「中英聯合聲明」有效期只由1984年至1997年香港回歸，咁點算係「五十年不變」？其實老人家講嘅嘢真係唔好唔信，佢哋話邊樹可以信佢「五十年不變」！果然老人家嘅智慧，唔駛五十年，十幾年已經變晒樣！
