「背景」
如果你有睇過「飢餓遊戲」一定知道入面有隻「學舌鳥」。其實佢係「都城」繁殖嘅一系列改變基因嘅新動物，稱為變種動物，而「八卦鳥」係其中嘅一種。「八卦鳥」唔單止可以記底並復述整段人類嘅談話，佢亦識得返屋企，不過佢哋全部係雄性。當「八卦鳥」同雌性嘅「仿聲鳥」交配就會產生一種全新嘅鳥類「學舌鳥」，佢能夠學鳥叫，又可以學人類唱歌。不過佢哋就喪失咗可以清晰復述人類談話嘅能力，但仍能模仿相當範圍人類的聲音同模仿唱歌。
「像徵」
飢餓遊戲三部曲的封面都係用咗「學舌鳥」，而你會發現每集「學舌鳥」都有少小唔同。第一集嘅「學舌鳥」含住一支箭，第一集嘅「學舌鳥」口中係無箭，而第三集嘅的「學舌鳥」則振翅高飛。「學舌鳥」代表『傳遞訊息同希望』同『反抗象徵的辨識』。第一集同第二集，主角同人民仍然被困係「十二行政區」，生命被「都城」所掌控同壓迫。到咗第三集，「十三行政區」同其餘十二個行政區聯合起嚟，一齊推翻「都城」嘅統治，獲得自由！就係因為「學舌鳥」令所有嘢連成一線。
「啟示」
嚟一刻嘅香港真係有少少似「飢餓遊戲」，「黃雨傘」就好似「學舌鳥」。係一個不滿「狼」政府嘅「像徵」！記住我哋唔係推翻「中央」政府，我哋尊重「一國兩制」，所以我哋唔妥嘅係「六八九」同「不公，不平，不義」！不過我哋仲未有一個人可以好似「飢餓遊戲」入面個主角咁扮演「學舌鳥」，而嚟一刻我哋應該需要一個人去擔演嚟個角色。大家要繼續加油同用唔同嘅方式去支持個運動，我哋要團結先會成功！
