「長短」
好多老闆都會希望身邊嘅員工係超人，無缺點。但試問自己又係唔係無缺點呢？好多老闆會挑剔員工嘅短處，有啲我都好認同。例如遲到，Send 錯 Email 俾客，犯低級初誤等等。無可口非，呢啲一定要改。但係大家有冇真正去了解佢哋嘅長處？
「改變」
要改變一個人嘅短處要花嘅時間同氣力通常俾善用佢哋嘅長處要多好幾倍！所以係工作上面我希望用每個人嘅長處多過短處。可多時期實係要用試驗性質去將佢哋嘅潛在能力發揮出嚟。有時係會失敗，雖然你未必抱太大期望，但係唔試過又點知？或者會俾到驚喜你，到時又係令一片天。
「善用」
好多時候其實你都好想員工改變同成長，但係時間容許嗎？所以有時要係一啲可控制範圍裏面俾多啲機會佢哋發揮。唔好嘢嘢怕孭鑊，等佢哋撞吓板嘅同時你又有能力係未爆鑊前救返佢。係辛苦啲，但係個員工醒嘅話係值得嘅。
