「又調」
唔好又俾我見到嚟啲調查啦。。。真係見一鑊鬧一鑊。今次到「香港中文大學傳播與民意調查中心」做咗一個電話調查，探討香港人嘅自我身份及國家認同。又係話用隨機抽樣的方式，訪問咗 810 名 18 歲或以上能操粵語的香港市民。。。點先算「能操粵語」？先唔講個 Confidence Level 同 Sample Error，個回應率為得 35% 其實都幾低。非常無效率。。。
「身份」
其實佢哋不如問下中國唔同地區會唔會覺得自己係「上海人」，「北京人」，「四川人」，「客家人」，等等嘅比率，同時再問下當地嘅人覺得自己係「乜乜地方嘅人，但都係中國人」嘅比率。我好相信佢哋對自我身份認同亦同香港差唔多。我好少係內地聽到話自己係中國人，通常佢哋會話我係「乜乜地方嘅人」。咁唔通你又話佢哋「自我身份認同」？無病呀。。。
「點解」
我哋唔係「自我身份認同」上升，而係我哋一直對自己長大嘅地方感到自豪。正如「上海人」亦好自豪自己，佢哋亦會唔理你係外地人，一律當你講「上海話」咁同香港又乜分別？連自己係「香港生」，「香港大」嘅「香港人」都唔認同自己個家，唔通我哋同人哋講我係「英國人」咩？做呢啲調查代表啲乜？我真係唔知囉！好明顯做個班人冇係內地住過。。。唔係無理由唔知呀。。。
