「改名」
好多人都會問我 Beehive Strategy 點嚟，其實好少認真咁答佢哋。所以先同問過我嚟個問題嘅朋友賠個不是，因為唔係三言兩語可以講晒成個故事。首先公司名同人名一樣，唔好改錯，改錯會好大鑊，所以個名好重要！我問過好多人點解佢哋公司叫乜乜乜，通常離唔開我鐘意呀，好聽呀，產品嘅功能呀，背後好有意思呀等等。但係我一係 Google Search 吓其實係 Search 唔到。。。講真十個十一個人係唔會記得你間公司個名，Search 唔到係幾大鑊嘅事！
「研究」
所以我用咗好多時間去揀個名。由 Keyword Research，Domain 到 Social Media 嘅用戶名稱等等都做晒調查，確保無人用緊先放心去做所有嘢。當然 Beehive 係靈感，因為自己研究咗個 Operation Model 好似個「蜂巢」所以叫 Beehive。咁點嘅叫 Strategy？最主要係唔想俾個名綁住。如果叫 Beehive Analytic，咁間公司就真係只可以做數據分析了。。。所以我改咗個闊啲嘅名等我唔使俾佢綁死。咁你可以話之後 Rebrand，但係我唔想到時再煩過囉！
「結果」
咁當然單一隻字係冇可能 Search 到啦！因為 Beehive 同 Strategy 兩隻字太過普通（蜂巢／策略），但係兩隻字加埋一齊就容易得多！但係我蠢咗！點解？因為唔記得買埋其它近似嘅字，例如 Strategies。終於 「Beehive Strategies」嚟個名被另一間澳洲公司用咗，最慘嘅係嚟間公司係詐騙公司。現在想攞返都好難！所以係呢度呼籲大家記得唔好買漏嘢，唔係後果可以好嚴重！
