「調查」
好耐之前已經注意到嚟個程況，真係越睇啲「乜乜乜」調查「勿勿勿」調查越火滾！次次見到訪問人數得個少少，有時一千幾百，有時一百幾十。咁嘅數據仲話代表香港七百幾萬人，講真唔好玩啦。成日係度誤導啲平民百姓，最叻嘅應該係啲傳媒，講啲唔講啲，連調查或受訪者嘅背景都無講過就話嚟樣個樣。今次唔寫出嚟真係對唔住「數據分析」界！
「樣本」
做調查做到咁不如唔好做！又要威，又要帶頭盔，放過我啦。我唔可以單憑傳媒嘅報導「斷章取義」，不過每次當我知道個「樣本」細得可憐嘅事後，好希望報導之前先交代清楚做調查啲受訪者嘅背景同問題嘅內容。調查結果會最小因為嚟兩個因素而影響整個調查報吿嘅結果。仲有個樣本細到只可以用嚟做參考，唔可以包裝成所有香港市民嘅意見！仲有因為訪問嘅人唔係同一班市民，無可能做一個對等嘅研究。
「結論」
當大家睇到同聽到任何調查報告嘅時候，記得睇吓佢哋究竟訪問咗幾多人。其它嘢可以先唔睇。因為人數係最大關鍵，仲要紀得問邊邊嘅人就會有咩嘢結果！所以大家要注意！同時好多報告，媒體報導只係好少部分，所以都會斷章取義。凡事睇多啲就會發現問題所在！我相信好多數據業嘅同業們一定會有同感！
注：
2014-09-30 《香港市民對 「佔中運動」發展的意見》電話調查 首輪研究結果
2014-10-05 《香港市民對 「佔領運動」發展的意見》電話調查 第二輪研究結果
2014-11-04 《香港市民對 「佔領運動」發展的意見》電話調查 第三輪研究結果
