「馮蘋果」
「點解」
起初我唔知學生做乜？唔知佢哋攪罷課嚟做乜？亦唔知佢哋話佔中係為乜？因我係一個政治冷感嘅 香港人，但當我見到催淚彈嘅出現，我就開始上網搵資料睇吓佢哋玩乜？我支持係因為我唔相信中方所講嘅「袋住先」 ， 所以我要支持班學生 !
「感受」
其實我發現各人口中之『廢青』真係一啲都唔廢，佢哋點解屋企都唔返去瞓街？仲要咁多日喎！但最令我心痛嘅就係有人一邊唔欣賞佢哋嘅付出，另一邊就走去簽名要真普選。啲人完全忘記咗如果唔係一班學生今日嘅付出？有咁多人關心有冇真普選咩？
「期望」
人大真係可以聽到香港市民嘅聲音而又肯俾個大部份人都想要嘅方案。可以話俾廣大嘅香港人知我哋要袋幾耐？大家可以平平安安回到父母身邊。因為我希望每個人都可以平平安安返到屋企，一個都不少，我依然相信香港有法治。唔想有抽後算帳！
