「目的」
睇完個「對話」同之前同唔同嘅集會人士傾偈嘅時候，發覺好多人對「雨傘運動」有唔同睇法同感受。所以衍生咗個諗法就係收集大家對「雨傘運動」嘅感受再一一分享。希望多啲人明白多啲，亦希望用另一種方法去抗爭。好希望嚟個計劃可以成事，幫我哋創造嘅歷史做一個見證同記錄。如果夠多分享嘅話，我想去出一本書俾大家！
「方法」
如果你有興趣參嚟個計劃，你可以將以下嘅內容電郵俾我 flybirdkk@gmail.com 或 Facebook 專頁 Message 我 。其實好簡單，我想大家用「三百字」去講你嘅感受就足夠。好多人會話「三百字」唔夠，不過我想統一個格式令整件事可以整齊啲。希望可大家可以多多支持。
「中文姓名」
「點解」－點解你支持今次嘅運動 （100字)
「感受」－你今次感受最深嘅係乜 （100字）
「期望」－最希望嚟個活動嘅結果 （100字）
「期望」
唔知嚟個目標現唔現實，但係希望最少收集 500篇，亦希望大家可以搵你嘅朋友一齊分享！多謝你嘅支持！我知本人無乜能力去要求任何人做任何嘢，只係想做啲嘢去記錄我哋嘅香港。唔好被歷史遺忘。
注：現在（十二月十五號）已經有七十五篇分享，仲需要四百二十五篇！到五百篇我會係 KickStarter 再集資去出書俾大家。
