「藝術」
每次去到唔同嘅集會地方嘅時候，都被濃厚嘅藝術氣息所包圍。 或者以前自己都算係個藝術家所以見到唔同嘅作品都好興奮。大家用唔同嘅風格去記錄低今次嘅運動。通常嚟啲作品都係「一瞬即逝」，當個展覽場地被「一掃如空」嘅時候，佢亦跟隨消失。所以每次去到都盡量用相機去留底。最興幸嘅係仲可以係香港見到咁高質素嘅作品。香港唔係應該咁嘅咩？點解要係呢啲時候先見到佢哋？其實答案心中有數。
「音樂」
好多人話香港樂壇已死？真係？係商業上面一定係！因為好多係從錢出發去陪養所爲嘅歌星出嚟。當然我唔係講所有人或代表行內人士講，不過你可以見到好多唔係職業歌手嘅人都寫咗好多好歌關於個活動。去 YouTube Search 一下就有好多作品。不論你鐘意唔鍾意，嚟啲係新世代嘅模式。佢哋係用另一種方法去表達自己。亦希望歌聲喚醒沉默嘅大多數。
「科技」
自己作為科技界（其實仲唔知係唔係），其實真係唔知可以幫到啲乜。但係就見到好多人利用科技去支持個活動。有留言板，信息整合平台，Live Streaming， Social Media 同 Blogging 嘅方式去幫手將實況傳播開去。甚至有人用嚟啲平台去將遙言／謀論逐一擊破。雖然唔係可以話好有創意，但係大家都係想盡一啲力去支持。今次亦都因為科技令全世界睇到香港人嘅質素同創意！
