「每日」
之前睇完教主嘅「棟篤笑」其實我諗好多人都會好似教主咁，唔知過咗今晚聽日香港會點。我之前都寫過吓最近瞓唔着。正如教主所講「嗰晚睇住電視」，「佔中，我即刻諗，我應該做唔成喇呢次，因為好難講，當件事爆發得好大嘅時候，然後我每晚都預咗聽晚冇得做，呢個唔係一件好得意嘅事，因為每晚都有啲事發生，每晚都可以件事發生大到係我冇得做。」
「雞蛋」
唔通我哋得閒無嘢做？真係想做啲違法嘅嘢？我哋係保護緊每一粒雞蛋！嚟度亦多謝教主好辛苦咁做每一場棟篤笑。「我一路講雞蛋、高牆，我當然企喺雞蛋嗰邊，但係如果有一晚，有一粒雞蛋碎咗，我就冇得做，我相信大家都冇興趣聽，我亦都冇心情做。我哋香港人係好愛香港，到今日，發生咗咁多嘢，都無碎過一粒雞蛋，係好唔容易，只要一粒（雞蛋）碎咗，後果可以好嚴重，由第一日開始，我哋係因為愛而開始呢個運動。」
「香港」
去到二十日嚟個局面真係超出好多人嘅預期，個消耗戰仲有排搞。希望大家堅持落去，正如教主講「無論係政府，或者市民，我哋都係因為有啲愛，如果唔係就扯爛咗呢個 BB 仔「香港」，我希望大家以後更加要諗下，跟住落嚟要點扯呢，嗰個愛就是真正的考驗。」是實上真係有點難度，因為經過今次，香港人被分化得傷痕纍纍，真係要一啲時間先可以康復。
