早轉型

公司要轉型其實唔係一件易事,因為通常都會有好多歷史遺留落嚟嘅問題要去面對同解決。如果係一間百年老店就更加難,因為最難處理嘅員工嘅心態。有啲人會覺得係危機,有啲人就會覺得係機遇,所以好視乎員工點樣睇每一次嘅改革同轉型。當然無人可以咁寫包單一定會成功,只不過如果係士氣高昂嘅時候轉型,成功率一定大過士氣低迷嘅時候。

快打系


個人分享
Tagged With: , , , , , , , , ,

過去十年嘅變化實在太大,因為智能手機,平板電腦,社交媒體,網絡速度等等嘅出現改變咗我哋嘅生活模式。所有嘢都係講求一個快字,有時候快到一個地步基本上跟都跟唔切。我哋嘅新世代基本上一出世就已經係一個咁嘅環境成長,可想而知佢哋嘅生活模式會同我哋好唔同,因為我哋以為自己好前衛,其實已經俾佢哋唾棄。

放數據

開放數據係可以牽涉到好多層面,而要社會進步就要有效地將開放數據同其他類型嘅數據結合,咁樣就可以發揮到更大嘅經濟效益。政府擁有嘅數據係最應該開放俾公眾去使用,因為大環境嘅數據係好難去靠企業或者大眾去收集。好多數據例如醫療,交通,房屋,教育等等,其實都係好有用。至於係應用層面方面就好視乎分析數據嘅目的。不過最重要嘅就當然係開放咗啲數據出嚟先啦!

係窮呀

好多人返工只係為咗份工,因為返工係為咗生活。但係如果你問大部份嘅人你鍾唔鍾意份工,又或者愛唔愛你自己嘅工作,我相信大部份嘅答案係唔鐘意同唔愛。其實如果你唔愛自己嘅工作,日復日,年復年,老實講又點會做得好呢?因為工作嘅目的同出發點根本就唔係要做好件事,而最緊要嘅係無愛!愛一份工好難,愛一個專業更難!所以做嘢係要搵一樣自己愛嘅嘢去做先至會成功!

歌托邦

又係一年一度嘅叱吒頒獎典禮,今年嘅主題係「我們的歌托邦」。第一次聽到「歌托邦」嘅時候其實唔明點解。後嚟上網睇返,其實係寓意每人心目中都有一個屬於自己嘅叱咤頒獎禮,一個屬於自己嘅「歌托邦」。今年總共有四十三個獎項,所有叱咤獎項將沿用「叱咤樂壇流行榜 -903專業推介」之歌曲播放率作為統計基礎,而「叱咤樂壇我最喜愛」嘅男、女歌手、組合、歌曲大獎,則由會樂迷投票決定。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。