又年尾


個人分享
Tagged With: , , , , , , , , ,

「事業」

今年工作方面就話好唔好,話差唔差,只不過仲未打開到一個缺口可以突圍而出。幾經辛苦先至可以話開展培訓方面嘅業務,但係仲係一個好初步嘅階段。而五年過去,將會係點?真係唔知!唔知係應該守,定係應該係時候再博一博。不過點都好,係時候諗下其他市場,繼續咁浪費精力同時間唔係辦法。希望明年可以有啲起色。雖然未死得,但係都係得返半條人命。

搬屋去


個人分享
Tagged With: , , , , , , , , ,

「空間」

係香港,居住環境係最令人頭痛嘅地方,因為活動空間實在太細,而俾小朋友活動嘅地方基本上同外國係有天淵之別。如果你問我當然係希望自己個仔有多啲活動嘅空間,而係唔係無條件去外國生活,其實又唔係。不過依家好多嘢都係香港建立咗,一時三刻都未必可以話走就走。所以都係搵屋搬咗先,等老婆同郭大少又多啲活動空間。不過依家搵屋真係頭都大!睇嚟睇去都無間啱心水。

去賽車

「香港」

係香港要接觸賽車係一件比較困難嘅事,雖然話地方細但係澳門同新加坡都有唔同嘅賽事。莫講話香港無任何國際嘅比賽,甚至乎一個小型賽車嘅場地都無。依家啲車手大部份都要係其他地方訓練同比賽。所以話要接觸到賽車嚟樣嘢都幾難。但係最好笑嘅地方就係香港其實有好多超級跑車,而香港嘅交通真係無可能發揮到嚟啲車嘅性能,更何況話渣快啲。

話咁快

「時間」

唔經唔覺郭大少話咁快已經五個月大!時間真係過得好鬼快,而依家佢越嚟越多表情,但係最安慰嘅係佢都算係一個開心嘅小朋友。我相信除咗自己個仔之外都好少見到咁開心嘅小朋友。因為佢基本上好鍾意笑,除咗有要求,但係只要你同佢玩,一般佢都會俾返一個好燦爛嘅笑容俾你。有時出街嘅時候,有啲陌生人見到佢同佢笑,佢都會唔執輸咁俾返個招牌笑容人哋。

失去了


個人分享
Tagged With: , , , , , , , ,

「失去」

人嘅一生其實失去的係應該比得到的更多。好多事同物都會俾時間慢慢咁逐少逐少咁吞噬。就算你出盡九牛二虎之力,意圖改變嚟啲殘酷嘅現實,因為基本上係無可能。所以我哋應該要學識點樣去面對每日我哋都有可能失去嘅事物,但係唔代表順來逆受。有時你越唔想失去嘅嘢偏偏就會好容易失去,所以何必執著得失,因為有時以為係失但係其實係得。何必計較咁多呢?

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃!
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先?