北海道

去日本咁多次都係同老婆一齊去,之前郭大少未出世嘅時候就去咗冲繩,老婆陀住佢嘅時候就去咗東京同富士山,之後佢出咗世就去咗次冲繩,九州。而同嚟位小朋友去旅行基本上要去一啲可以自駕遊嘅地方,因為最起碼佢玩完信瞓覺都可以係車入面瞓。當然而家去旅行比起之前佢細個嘅時候好好多,最起碼帶嘅嘢少咗,而每次佢都覺得啲嘢好新奇,樣樣嘢都好似好好玩咁。

空中飛


個人分享
Tagged With: , , , , , , , , ,

「公幹」

我諗好多啱啱出嚟做嘢嘅人都希望可以去公幹,因為可以借此去其他國家。當然如果可以係當地留多幾日去觀光一下就最好,反正機票公司都已經俾咗,最多酒店自己俾返。試問邊個唔想去周遊列國?邊個唔想去其他地方有人包你早午晚三餐,仲有五星級酒店住?但係呢個諗法真係啱啱出嚟做嘢先至會有,因為始終目的係去做嘢而唔係去玩。

九一一


個人分享
Tagged With: , , , , , , , , ,

「歷史」

二零零一年,九月十一日,我相信大家都會記得嚟一日。我諗無人會估計到嚟個世界竟然有人會騎劫飛機,再發動自殺式襲擊。雖然事隔十四年,但係一個又一個震驚全球嘅畫面,我相信無人可以忘記。而自此之後,美國就開始反恐嘅工作,誓死要將阿爾蓋達組織嘅首領,拉登緝拿。雖然經過好多年之後美國終於搵到拉登並因為緝拿嘅時候遭遇反抗而被美軍擊斃。

又失蹤

「失蹤」

今年其實發生咗啲乜嘢事呢?點解咁多飛機無啦啦會唔見咗?年頭一架到今日仲未搵返,過咗幾個月又話俾飛彈射咗落嚟,今日飛飛下又唔見咗。馬來西亞啲航空公司今年真係超黑仔。每次一睇到嚟啲新聞都好震驚!咁大隻飛機係個天度飛,點解可以唔見嚟?而家係 2014年,一個科技發達嘅年代,航空業理應越嚟越安全先啱,點解一次又一次唔見咗隻飛機

 
  • 札幌市北海道真係好大,相信我哋應該會再返嚟玩。整體感覺唔錯,不過啲路比起之前去過的地方就差啲,而今次真係無乜去食好嘢,因為郭大少真係唔可以太過夜瞓。我哋每晚都好快食完就同佢返酒店同民宿沖涼瞓覺。不過今晚就去咗食當地比較出名嘅牛,雖然唔係我哋食過最好食嘅但係都不過不失。今日亦都係我哋最後一晚係札幌,聽日我哋就會出發去大阪。希望好快我哋再返嚟啦!
  • 小樽市係嗰間民宿熱咗一晚之後,當然就係執嘢走人。好彩前晚搵到一間酒店,今晚應該可以有覺好瞓!今朝一起身就見到外面落雨,真係好好彩我哋返到札幌先至落雨,如果唔係落住雨去睇花田都幾掃興!執好晒行李之後,我哋就諗究竟係去行街同去公園,因為啲雨都真係落得幾大。最後決定去咗白之戀人公園再揸車去小樽市食飯同行街。不過因為落雨嘅關係,而白之戀人公園真係無乜嘢做,留咗陣就走了!
  • 返札幌去到富良野嘅最後一日,玩完之後就開始要回程返去札幌市。嚟幾日真係熱到傻咗同晒到燶咗!不過都係一件好事,因為如果陰天嘅話就好難影到靚相!希望將來有機會再嚟嚟個地方。如果你問我嘅話,我都真係比較鍾意去啲郊外地方。或者我唔係鍾意行街買嘢嘅人,所以去到啲鄉郊小鎮反而仲覺得舒服。如果退休之後可以係嚟啲咁靚,咁休閒嘅地方生活就好啦!
  • 富良野去到富良野間民宿,郭大少就超級興奮。一入門口就無啦啦好興奮咁大嗌,嚇到個伯伯彈起。之後去到民宿間房又無啦啦見到張床就二話不說咁大字型咁跳咗上去!每次去到一間新嘅民宿佢都好興奮,好似返咗自己屋企一樣!不過真係要講一講間民宿,話說係十幾年前,楊千嬅同古天樂係嗰度拍過戲,而睇返資料應該係乾柴烈火。食早餐嘅時候,屋主仲好熱情咁同我哋講套戲係佢間民宿到拍!