九寨溝


個人分享
Tagged With: , , , , , , , , ,

九寨溝位於青藏高原東南面嘅尕爾納山峰北麓,主要由岷山山脈中呈丫字形分布嘅日則溝,則查窪溝,樹正溝三條溝谷所構成。海拔係二千米至三千一百零六米之間,屬世界高寒喀斯特地貌。總面積大約六百二十平方公里,大概有百分之五十二嘅面積係俾原始森林所覆蓋!期間夾生箭竹同各種奇花異草,亦都有好多唔同種類嘅野生動物係森林入面棲息,例如大熊貓,金絲猴,白唇鹿等等。

返嚟啦


個人分享
Tagged With: , , , , , , , , ,

有時帶著小朋友出去旅行真係唔知係好事定壞事,尤其係好似郭大少咁,鍾意走嚟走去,不斷搞破壞,最大鑊都係唔肯食嘢。所以有時同佢去旅行分分鐘真係辛苦過係屋企,不過都係開心嘅,等佢多啲地方走動下。就算未必記得佢自己去過邊,至少我哋記得佢嘅一點一滴。講真如果留低佢係香港搞到自己心掛掛,到時又係一樣會擔心佢係香港點。不過今次帶佢去咗睇好多嘢,亦都買咗嘢比佢做聖誕禮物。希望佢大個嘅時候睇返啲相會記得少少啦!

九州遊

今日同一家大細趁著年尾再出走多一次,而今次嘅目的地係去日本九州。當然事前最辛苦嘅就係我老婆啦,因為佢度好晒啲行程,而最勁嘅就係佢訂都超平嘅機票。今次亦都係我哋帶住郭大少去嘅第三次旅行,但係挑戰亦都比上兩次大,因為佢而家真係走唔停,唔似得第一次咁仲未識得行嚟行去。不過今次佢應該會興奮啲,因為而家識嘅嘢多咗。而我哋兩公婆就同之前一樣只係換咗個地方湊仔。

影完相


個人分享
Tagged With: , , , , , , , , ,

每次旅行我都一定帶埋相機去影相,以前真係會帶幾支鏡頭同埋腳架去旅行。自己比較鍾意影風景,因為我影人真係唔叻,所以都係影下啲風景就算。而我最鍾意係影日落同夜景。因為每個地方嘅日與夜都好唔同,所以好多時都會特登去某啲景點影相。有時影相係為咗記錄自己去過嘅地方,因為有時真係去完太耐都已經唔記得去過邊。所以每次旅行都會影好多相返嚟!

大肚相

「影相」

雖然我唔係專業攝影師,只係影相係自己嘅其中一個興趣。平時話影吓啲風景同旅行相就無乜問題啫,但係當影人嘅時候,其實我真係唔識亦唔叻。頂多有時朋友結婚影吓人哋啲結婚嘢。所以有時自己覺得影得幾靚嘅時候,通常另外嗰個就覺得唔靚。何況,老婆上星期話想我幫佢影吓大肚相,我真係一竅不通。但係都試下啦,而結果就係超級難影。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。