無雨傘

「正常」

今日去立法會開會,如常揸車去到中信大廈對面嘅一個小小停車場。其實運動期間,個停車場除咗係傳媒泊車嘅地方之外,我每次落去都會泊係個度。好似已經習慣咗唔行「夏慤道」,又或者我選擇避開唔行。無論係點,經過一日嘅清場,人去留空,你已為回覆正常,但係當你見到我哋留低嘅痕跡,你個心會有啲唔舒服。一個難以形容嘅心情。

去記錄

「影相」

需然我影相唔叻,但係過去兩個月影影下都影咗好多「雨傘運動」嘅相。其實淨係想用啲相做個小小記錄俾自己。我好多時其實係深夜當大家瞓咗覺先去影,因為好平靜,可以俾我靜靜地睇吓同感受吓。個種感覺好特別,因為當你一邊行一邊觀察,就會睇到啲你平時睇唔到嘅嘢。最重要係可以慢慢影。唔留底,好可能一兩日就無咗。。。

派感受

「收錢」

過去兩日係金鐘派發「雨。感受」,期間不斷有人問,係唔係要俾錢買架?邊個出錢俾你整架?要錢架?唔通啲人真係仲唔信係市民自發去支持整件事?真係有人派錢俾我哋?點解下下仲講錢呢?唔係樣樣嘢都要錢買到。大家都係盡一份心意去做自己覺得該做的!有啲朋友仲話幫手出錢加印啲卡俾大家。

雨感受

「目的」

睇完個「對話」同之前同唔同嘅集會人士傾偈嘅時候,發覺好多人對「雨傘運動」有唔同睇法同感受。所以衍生咗個諗法就係收集大家對「雨傘運動」嘅感受再一一分享。希望多啲人明白多啲,亦希望用另一種方法去抗爭。好希望嚟個計劃可以成事,幫我哋創造嘅歷史做一個見證同記錄。如果夠多分享嘅話,我想去出一本書俾大家!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。