點報價

相信好多做服務性質嘅公司都經常要報價俾客戶,而好多時除咗報價之外都需要先做一份計劃書。不過好多公司只係因為內部流程需要,要搵幾間公司去報價,所以基本上只係陪跑。辛辛苦苦做嘅計劃書對嗰啲公司嚟講只係一份功課,而有啲甚至乎想要你嘅橋,所以有時做又唔係,唔做又唔係。到最後其實就算你份計劃書做得有幾好,你報嘅價錢係幾平與貴都唔係關鍵。