新開始


個人分享
Tagged With: , , , , , , , , ,

個個都寫新年願望,其實我而家每年嘅願望都係得嚟三個,第一個就係開開心心咁過每一日,第二就係每日都可以陪郭大少一齊成長,第三就當然係同老婆恩恩愛愛過埋下半世。當然今年有好多嘢都要重新開始,所以雖要更多時間同精力去實踐。堅持係一件好難嘅事,所以我仍然堅持每日都係嚟到寫一篇文,原因係要令自己繼續堅持。人生不如意嘅事十常八九,重新調整自己向新一年出發!

推倒佢


個人分享
Tagged With: , , , , , , , , ,

「投資」

做任何嘢其實都係需要投資好多嘢先至會得到回報,而如果當初根基打得唔好,其實格硬咁向前行,分分鐘到最後所投資嘅,甚至乎賺咗嘅都會輸晒。所以要推倒投資多年嘅事同物,其實真係好難決擇。你有無試過面對自己同推翻自己?好多嘢其實都好想從頭嚟過,只不過現實歸現實,好多嘢錯過咗,做錯咗,其實係無得返轉頭嘅。

數碼化


個人分享
Tagged With: , , , , , , , , ,

「數碼」

好多人一聽到數碼嚟兩個字就以為同傳統資訊科技有關。其實某程度上唔可以話錯,但係市場推廣同營銷其實真係無話分數碼唔數碼,只不過媒體唔同咗啫。而係香港嚟個市場,其實仲有好多大嘅品牌仍然覺得係傳統媒體落廣告仍然有效,所以咁多年嚟投放係新媒體嘅廣告量同資金都比較少。只不過當傳統媒體嘅效益越嚟越無辦法去計算嘅時候,真係值得投放咁多資源落去咩?

新生活

「改變」

雖然話個仔出咗世一個多月,但係屋企因為有陪月幫手處理咗大部份嘅工作,所以都叫做輕鬆。而最主要係個仔都唔算係十分扭計,當然個個初生嬰兒都或多或少會扭計,不過問心自己個仔到呢一刻都尚算還可以,未至於搞佢唔掂。我真係見過有啲搞到啲新手爸爸同媽媽一頭煙。最起碼我哋都仲有時間做下自己嘢。希望可以延續落去啦!不過當然個個都話嚟過先至係開始!

收感受

「開始」

由十月底開始收集「雨。感受」,目的係通過一篇篇嘅小文章去令多啲人了解運動嘅原因同感受!慢慢當一篇又一篇嘅文章寄俾我嘅時候,真係喜出望外!冇諗過大家會咁支持我嘅諗法。當然我獅子開大口想收集到五百篇,唔知得唔得,不過如果每一個係 Facebook Like 咗『雨。感受』嘅朋友都寫一篇嘅話,嚟個目標其實唔難實現!到咗今日已經收到『六十五篇』,真係要多謝大家!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。