無驚喜


個人分享
Tagged With: , , , , , , , , ,

「蘋果」

今朝一早又係蘋果產品發布會,但係今次真係有啲失望,首先唔好講佢入面嘅內容,論整個發佈會嘅長度我諗係我睇咗咁多次入面嘅最短一次。另外基本上毫無創新可言,最起碼我係咁認為,因為有一半都係講環保,醫療,汽車,產品銷售同應用狀況。真係悶到差啲瞓著!其實近呢幾次嘅發佈會再無以前教主嗰種吸引力,莫講話一啲興奮都無,整體上無乜嘢吸引,仲要有少少舊酒新瓶感覺。

切錯肺


個人分享
Tagged With: , , , , , , , , ,

「醫療」

香港嘅醫療真係越嚟越差,而家去政府醫院睇醫生真係乜都有可能發生!雖然自己屋企都發生過唔少匪夷所思嘅醫療事件,但係而家差到一個地步你會以為自己去咗睇無牌醫生咁。醫療事故真係日日新鮮,當然我唔係話批評所有醫生同護士事,因為香港係有好醫生同護士只不過好個班大部份都唔會係政府醫院度工作。所以去政府醫院睇醫生簡直好似買六合彩咁!

出入院


個人分享
Tagged With: , , , , , , , , ,

「醫院」

近期除咗因為郭丶大少出世同老婆入院開刀之外,亦一因為爺爺早幾日係屋企跌到而出入醫院。而早幾日醫生,出奇地俾我爺爺出院!點解我會用出奇嚟形容?雖然做咗檢查,大至上無大問題,但係爺爺對腳就連落床嘅能力都無!咁點解可以批准佢出院呢?況且一直戶都仲末搵到點解對腳無力嘅真正原因!政府醫院都真係得㗎啦!

醫療保


個人分享
Tagged With: , , , , , , , , ,

「保險」

講到買保險,我真係一竅不通。當然除咗汽車保險會買之外(因為法例規定一定要買第三者保險),我從來無買過其他類型嘅保險。因為好多時打工,公司都有醫療同人壽保險,所以自己再買一份就覺得好似無乜用。可能後生覺得無啦啦洗舊錢又無病無痛,買嚟把鬼咩!嘥錢!但係你一過三十歲就知道你嘅身體大不如前同自己無再打工,下下睇醫生都要係自己扲荷包嘅時候就會諗係唔係要買返份呢?

港醫療

「政府」

容許我係度講一句「不知所謂」去形容政府嘅醫療!真係一係唔講,一講就把幾火!香港好似醫療好好,不過得個殼。當然係香港係有好醫生,不過政府嘅不可思議嘅流程同制度真係會激死你!斷錯症都唔係唔常見,至少我身邊發生過幾次。真係離晒大譜!人命嚟㗎大佬,玩咩!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。