打邊爐


個人分享
Tagged With: , , , , , , , , ,

其實打甂爐,俗寫打邊爐,就即係火鍋咁解。火鍋嘅種類有好多,係中國嘅唔同地方有唔同嘅特色,而係世界嘅其他地方亦都有唔同種類嘅火鍋。最大分嘅別嘅應該係個湯底,至於啲配料就真係每個地方都有啲唔同。一般都會有肉類同蔬菜類等嘅材料,而配合唔同人嘅喜好,自己鍾意食乜就烚乜,所以有時唔想煩嘅話,打邊爐係一個唔錯嘅選擇。

要取捨


個人分享
Tagged With: , , , , , , , , ,

人生好多時都係不自覺嘅情況下變得好在意得與失,越係想得到嘅嘢就越得唔到,而越易得到嘅嘢就變得唔矜貴。人生就係獲得與失去之間慢慢成長,而要成長就當然要跌過,碰過先至會領略到珍惜自己所擁有嘅嘢。有時有啲嘢係唔可以強求,所以所以唔好執著一啲唔屬於自己嘅嘢。咁樣你嘅人生就會輕鬆啲,開心啲。或者你今日唔明,但係相信總有一日你會明白。

人揀你


個人分享
Tagged With: , , , , , , , , ,

而家有好多嘢都唔係話你想點就點,睇落你好似有得揀,但係實際係無得揀。點解?因為唔係你揀人而係人揀你。讀書係學校揀人,搵工係公司揀人,搵生意係客戶揀人,樣樣嘢都係人哋揀你。咁有乜嘢係自己揀?其實就算俾你千揀萬揀,揀完之後人哋話啱嘅話,最後你都無計。當然有時係要檢視自己做選擇嘅時候究竟有啲乜嘢條件係必要,有啲乜嘢只係有會好啲但係非必要,如果唔係其實只係自己開嘅條件太過苛刻。

港學校


個人分享
Tagged With: , , , , , , , , ,

香港嘅教育制度真係玩死啲父母,當然係其他國家都會有類似嘅情況,只不過香港係唔係有啲太過複雜呢?就連幼稚園都已經要搞咁多嘢,真係未做人父母係唔會知道有幾變態。有時唔係你想做怪獸家長,而係不論政府又好,學校又好,都令到好多家長變成怪獸。好多人都會跑出嚟講好多嘢,但係如果唔改變根本嘅問題,其實講乜嘢都無用!

幾番新


個人分享
Tagged With: , , , , , , , , ,

十年人事幾番新,自從離開咗大公司之後,已經好多年無見過自己以前嘅團隊,再見面嘅時候大家都講起以前嘅事。過咗咁多年,大家都已經各散東西,亦有唔同嘅成就。畢竟大家都會懷念以前一齊拚搏嘅日子,而最早一齊工作嘅團隊不經不覺已經相識咗十三年。回想起五年嘅時間,原來我哋做咗好多嘢,諗返都覺得有少少變態,由十三個人變咗三百幾人,不過慶幸當時所作嘅每一個決定都係正確。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。