連儂牆

「歷史」

如果你有去過政府總部,你一定見過「港版連儂牆」。其實係 1988年,「連儂牆」Lennon Wall 成為捷克群眾對胡薩克共產主義政體憤怒嘅發泄源頭。大批捷克青年係牆上書寫不滿的標語,最終係查理大橋附近導致了一場學生、警察之間的大規模衝突,共有幾百人被捲入。參與行動嘅學生被諷刺地稱為藍儂主義者,捷克當局將呢啲受過教育的和平人士分別誣衊成酗酒者、精神病患者、反社會分子和西方資本主義間諜。

港數據

「數據」

事件發展到今人,想信大家都無諗過。我好奇咁諗,其實係數據層面可以睇到啲乜。最遺憾係原来冇一個平台可以整理中文同英文嘅 HashTag。所以只可以睇啲英文數據。 話雖如此,但係已經可以睇到過中嘅轉變同反映咗事態嘅發展。雖然唔係個個人都識 HashTag,但係數據亦表現咗係警察未放催淚彈嘅時候,其實真係無乜人理所謂嘅「佔中」。同時個日之後,已經變成「雨傘革命」或者「佔港」了。

港創意

「藝術」

每次去到唔同嘅集會地方嘅時候,都被濃厚嘅藝術氣息所包圍。 或者以前自己都算係個藝術家所以見到唔同嘅作品都好興奮。大家用唔同嘅風格去記錄低今次嘅運動。通常嚟啲作品都係「一瞬即逝」,當個展覽場地被「一掃如空」嘅時候,佢亦跟隨消失。所以每次去到都盡量用相機去留底。最興幸嘅係仲可以係香港見到咁高質素嘅作品。香港唔係應該咁嘅咩?點解要係呢啲時候先見到佢哋?其實答案心中有數。

港創業

「模式」

有啲「人」話整個運動咁有秩序係有人幕後支持,其實佢哋有乜資格去作評論呢? 黃岳永係一篇文章「雨傘中的 IT 管理學」講到個活動「敏捷方式」Agile Methodologies 管理法。 我都十分認同,不過我自己覺得好似「Crowd Sourcing」,「Crowd Funding」嚟類嘅營運模式多啲。最令我佩服嘅係佢嘅運作模式同運用咗好多免費資源。全部物資都係一點一滴慢慢咁累積返嚟。

棟篤笑

「每日」

之前睇完教主嘅「棟篤笑」其實我諗好多人都會好似教主咁,唔知過咗今晚聽日香港會點。我之前都寫過吓最近瞓唔着。正如教主所講「嗰晚睇住電視」,「佔中,我即刻諗,我應該做唔成喇呢次,因為好難講,當件事爆發得好大嘅時候,然後我每晚都預咗聽晚冇得做,呢個唔係一件好得意嘅事,因為每晚都有啲事發生,每晚都可以件事發生大到係我冇得做。」

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。