適合嗎


個人分享
Tagged With: , , , , , , , , ,

好多人打工係為咗生活,但係你而家嘅工作真係最適合你嗎?好多人或者會問乜嘢叫做適合自己,其實無他嘅,簡單嚟講就係你每一日係開開心心咁返工同放工!係現今嘅社會,要真係做到自己鍾意做嘅嘢,其實真係唔係一件易事。原因係每個人都有唔同嘅生活壓力,好多時就算知道份工唔啱自己,為咗生活通常都會有取捨。你而家嘅工作適唔適合自己?

接班人


個人分享
Tagged With: , , , , , , , , ,

人越大就越會諗,究竟邊個可以接替自己嘅工作崗位同多年辛苦建立嘅嘢。搵接班人唔係一件容易嘅事,因為好多時唔係淨係信任咁簡單。要接班其實需要有同樣嘅理念,就算做嘢方法唔同,但係唔緊要。一間公司,一個團隊,係要靠一個共同嘅信念同環境先至可以一直行落去。就好似一啲百年老店咁,佢哋嘅根係唔會變,變嘅都係因為市場嘅改變,年代嘅改變,但係核心價值係唔會變。

城門谷


個人分享
Tagged With: , , , , , , , , ,

城門谷係邊度?上網睇下維基百科,原來城門谷其實係香港嘅一個谷地,位於新界荃灣區東北部,上葵涌之東北,大帽山與針山之間。咁即係邊度?真係講完都唔知點樣去。其實我都係靠睇谷歌地圖先至知道係邊度。要揸車去嘅話其實都有啲複雜,如果無導航嘅話,相信一定行錯路。事關入口係山頂,仲要係單程路。不過勝在夠隔涉,所以無乜人會去!

點樣揀

「經驗」

前幾日睇到身邊嘅朋友分享打工同創業嘅分別,所以自己又寫吓自己嘅睇法同感受。從打工到創業再返去打工到再一次創業,不經不覺已經十七年。時間過得好快,自己都覺得自己老了。不過乜嘢叫適合?創業定打工,其實我覺得唔輪到你揀。生活環境會改變你嘅決定。當然,社會富裕咗,環境好咗,個個都話創業,令創業變成一種年輕人嘅虛榮。

適合嗎


個人分享
Tagged With: , , , , , , , , ,

「生活」

以前因為工作關係,所以有機會去好多唔同嘅國家同城市。有時都會諗其實邊個地方適合自己生活。我同然有一啲條件啦,但係最重要嘅係一定一定唔可以成日天陰陰雨濛濛。我係比較鐘意陽光嘅人,亦好易會被天氣影響心情嘅人。所以北歐或英國都未必適合。當然你會問咁香港呢?其實返咗香港咁耐都唔知適唔適合!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。