要冒險


個人分享
Tagged With: , , , , , , , , ,

人生每一日都係一個新嘅挑戰,無人知道聽日會發生啲乜嘢嘅事。前幾日同一位朋友傾計,發現而家有好多公司嘅管理層唔敢冒險。好多時要突破就需要冒險,當然有時要衡量輕重,唔係心口掛個勇字就得!但係如果連冒險嘅精神都無,基本上同固步自封無分別。不進則退,如果退無可退嘅話,基本上就係坐以待斃,等死。點解香港好年輕人做一兩年就唔轉工?好多時係因為機會!如果無機會向上行咁有乜作為?

年尾了

今年見到好多人回顧二零一六年都話今年好多嘢都唔係太好。當然我都有同感,因為生活同工作嘅各方面都唔係太如意。點都好,今日係今年嘅最後一日,所以都係要為今年作一個總結。今年年頭搬咗屋,一家人換咗一個新環境,每日大家嘅焦點都係郭大少。今年同郭大少去咗三次旅行,分別去咗沖繩,蘇梅,同九州。而今年大部份嘅時間其實都係放咗係佢度,因為希望可以同佢一齊成長!

被取代


個人分享
Tagged With: , , , , , , , , ,

「人工」 最近睇咗幾篇文章都提及好幾個工種都會被人工智能取代。其實乜嘢係人工智能?人工智能簡單嚟講就係利用電腦去模仿人類嘅大腦。當然電腦可以處理嘅嘢係比人腦多,而且電腦係唔需要休息。最重要一點就係人工智能係會不斷學習,不斷進步,不斷進化。有啲人會覺得人工智能會令人類滅亡,有啲人就會覺得人工智能會幫到社會,到最後係點其實無人知! 「智能」 人工智能係好多大公司都渴望研發嘅技術,當然人工智能可以幫到人類好多唔同地方,尤其係縮短時間方面。但係人工智能真係可以完完全全取代人類?當然係今日嘅科技同發展或者未必得,只不過當人工智能可以由白紙一張好似啱啱出世嘅嬰兒咁,慢慢學習,慢慢成長,到個一刻你都咪話唔驚。再加上機械化,分分鐘同電影嘅橋段一樣,會取代我哋每一個人。 「取代」 不過人類真係會比科技取代?其實有好多工作都已經比機器取代咗,不過背後都仍然係靠人類嘅經驗同智慧。如果無咗人類嘅智慧,其實又點會有人工智能?所以我唔相信人工智能係可以取代人類,因為至少創意仍然係一樣好抽象嘅嘢。越抽象嘅嘢,就越難轉化成程式。就好似感情咁,係一樣唔可以用程式取代到嘅嘢。

識放手

「時間」

其實一個人一日只係得二十四小時,而當中應該有六至八個小時係用嚟休息,三至四個鐘頭食飯,所以基本上用嚟做嘢嘅實質其實得十二個小時。與此同時當你真係由二十歲做到五十五歲,其實講真你得三十五年嘅時間工作。而工作係永遠唔會做完,因為日日新鮮,邊樹真係做得完㗎!當然好多人會話你做嘢效率低,但係就算效率有幾高,聽日咪又有新嘅嘢做!

智能化

「人工」

全世界除咗天然資源之外,相信各式各樣嘅數據應該係另一樣最值錢嘅野!而大大小小嘅公司都希望擁有最多嘅數據。當然透過分析可以拆解唔同嘅問題,而將數據重整後就可以預測各類嘅結果,甚至可以模仿人類各種行為。當然除咗數據之外再加上科技同程式就衍生成為「人工智能」!但係電腦真係可以取代人類嘅智慧?如果可以,其實都幾可怕!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。