返轉頭

近排見到好多同期創業嘅朋友都喺到不斷轉型,好多都話方向都有啲迷茫,而事實上我亦有同感。唔通大家都有七年之癢?當然大家可以話係環境嘅問題,但係其實大家嘅眼光都唔係淨放係香港個市場。當見到大家都喺度煩緊嘅同時,大家依然好努力咁奮鬥緊。有七年前再創業之後所認識嘅朋友,其實係嚟刻依然堅持同繼續奮鬥緊嘅真係寥寥可數。慶幸嘅係大家都依然未放棄,依然搵緊出路!

老本行


個人分享
Tagged With: , , , , , , , , ,

其實我真係唔係一個天生嘅銷售員,因為我講嘢真係唔叻,有時甚至開口夾著脷。不過好多時或者就係因為咁嘅原因,以前係公司又好,同其他公司又好,反而好多管理層都願意聆聽我嘅意見。當然唔係個個都想聽到事實,所以講到尾都係要包裝一下,令到個故事可以點到即止。不過近年真係好少有機會做一啲大型嘅會議,唔知自己仲有幾多斤兩呢?

要轉型


個人分享
Tagged With: , , , , , , , , ,

以前係大公司都會幫好多唔同嘅企業轉型,而最大嘅問題都係歷史遺留落嚟嘅問題。通常遇到最大嘅問題係人,因為好多時都想一動不如一靜。唔變好過變,但係死守只會慢慢步向沒落。其實好多大企業都係有咁嘅情況,而轉型嘅時候有時真係好睇邊個負責去主導整個計劃。如果無辦法將過去嘅包袱放低,將所有嘢移平重新嚟過同將內部問題解決嘅話,失敗嘅機率真係好高。

做顧問


個人分享
Tagged With: , , , , , , , , ,

做顧問其實都可以係一個幾乞人憎嘅職業,因為要保持中立,有個句講果句,雖然有時要好圓滑,但係亦都需要直接道出問題所在。當然有啲人會覺得顧問淨係齋講,指手畫腳,但係其實因為身份嘅問題。顧問嘅角色係唔會牽涉內政同外政,當然到最後決策權亦都唔係顧問嗰度。我其實好鍾意做顧問嘅角色,因為可以係唔同嘅項目入面學到唔同嘅知識,同認識好多唔同嘅人!

有潛質

如果你問我點解過去嗰十年都無轉過行,點解我開口埋口都淨係講數據,點解到呢刻都仲未放棄係香港推動數據分析嚟個產業?因為我仍然相信香港係嚟方面有優勢,而且可以發展成為一個相當重要嘅產業。當然想做嘅太多,而時間太少,我只係盡自己有限嘅能力去推廣數據分析嚟個行業。雖然香港個市場好細,但係數據分析係無地域限制所以唔應該局限香港嘅市場。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。