「買餸」
其實出街食飯食得多真係唔知可以食乜，所以多咗係屋企煮飯。當然第一樣嘢要做嘅就緊係買餸啦！大多數人都會去超級巿場買，覺得方便啲，乾淨啲。但係慢慢發現方便未必乾淨，同時亦都比起街市貴好多。不過講真有啲嘢街市買唔到，由其係外國嘢。所以無辦法，只可以係超市買個啲材料！
熱門文章
- 大爆炸
August 15, 2015 「天津」 近排忙到傻咗，初時係社交媒體睇到天津大爆炸仲以為淨係普通一宗爆炸咁簡單，點知第二日再睇新聞先知原來咁大鑊。爆炸嘅威力好似啱啱打完仗，俾人炸咗個城市咁，你都咪話唔驚。最離奇嘅係唔知點解個地方政府可以容許有一個咁嘅廠房係住宅區附近。而睇完啲相之後，如果同你講得好少人死嘅話，你真係當大家儍嘅咩？而家仲話有山埃毒，真係勁過生化武器！ - 十二朝
August 7, 2015 「習俗」 其實所謂嘅「十二朝」就係嬰兒出世嘅第十二日。而根據傳統習俗，所有親朋戚友都要等到「十二朝」之後先可以去探個媽媽同個初生嬰兒。咁點解係十二日呢？我諗真係無人知，不過有一樣嘢肯定嘅就係要等孕婦產後休息多啲。因為一般生產完之後體力都會比較差，而初生嬰兒亦都比較脆弱。所以要應酬一大班人嘅話真係未必頂得順，尤其係頭幾日要捱更抵夜照顧個初生嬰兒。 - 大騙案
October 2, 2015 「咖啡」 如果大家仲記得好幾個月前我曾經講述一宗香港公司係網上集資，而且勇奪「香港資訊及通訊科技獎－全年大獎」嘅智能咖啡機。點解又再講？事關過去咁多個月佢哋嘅創辦人一直話如果十月出唔到貨就會退錢俾之前曾經俾咗錢支持佢哋生產部咖啡機嘅人。但係到咗十月啦，部機仲未見到影，而家仲要話如果要退款，你只可能退得部分嘅錢，事關你幾錢有部份已經用咗。 - 去果欄
January 18, 2015 「果欄」 油麻地果欄，大部份香港人簡稱「果欄」，係香港主要嘅水果批發市場。佢位於九龍油麻地，北臨窩打老道，南抵石龍街，西為渡船街，東為新填地街。果欄係建於1913年，以前係九龍水果批發市場，「果欄」係珠三角一帶水果批發市場嘅俗稱。經營嘅商鋪初期只係用草棚搭成，直到1920年代至1930年代，香港政府才開始批地俾欄商興建固定樓房，大多數係一兩層高嘅磚石建築以逐漸組成今日嘅貌貌！ - 走佬袋
June 2, 2015 「走佬」 一路都覺得好好笑，點解大肚婆入醫院嘅時候要執一個袋，而大家個袋叫做「走佬袋」。我慢慢開始明白個名點嚟，因為當大肚婆要生嘅時候，你真係好似「走佬」咁滾水淥腳，咋咋臨執嘢走人。但係如果到時先執嘢，一定揦手唔成勢，唔記得呢樣嗰樣。到時去到醫院分分鐘連身份證都唔記得帶，到時都唔知點搞好。所以點解要執定嘢隨時「走佬」！ - 烏龍茶
August 21, 2015 「飲茶」 我其實係一個都幾鍾意飲茶嘅人，當然我唔係去到好講究嗰啲啦，事關嗰啲真係有錢人玩意，分分鐘仲變態過飲紅酒。有時我都覺得自己奇怪，因為只要有支茶擺係我附近，我相信一定飲得快過你擺一支普通水係我側邊。當然下下飲茶未必好，因為有啲人話茶係取代唔到水，但係自己就好怕啲無味嘅嘢，尤其係煲過之後嘅熟水。如果係礦泉水，蒸餾水甚至乎有氣嘅水我都仲可以，但係一定無飲得咁快！ - 三眼仔
March 24, 2015 「卡通」 我都可以話係一個大細路，因為我好鐘意睇卡通片。當然有啲各式我係超鐘意。其中一隻我每次見到佢都各得佢好好笑嘅就係「反斗奇兵」入面個隻三眼仔。我真係買咗好多大大小小嘅公仔，原因係佢哋係戲入面需然係配角，但係好多時都扮演一個好重要嘅角色！ - 水蜜桃
July 12, 2015 「時令」 嘩！又係到咗食「水蜜桃」嘅季節啦，識食就梗係食日本嘅「水蜜桃」啦！真係又大，又甜，又香，又多汁！見到都流晒口水！所以每次揸車經開油麻地果欄就一定會停一停，咋咋臨去買返兩個返屋企食，而返到屋企就梗係即刻放入雪櫃冰冰佢，等幾個鐘之後先拎返佢出嚟食。但係每次都唔敢買咁多，因為好快熟。所以一個起兩個止。 - 出世啦
July 27, 2015 「出世」 登登登登！郭大少爺終於係二零一五年七月二十七日出世啦！今次真係一屋都係貓！雖然等你出世等到頸都長，但係終於可以親眼見到你啦！真係好開心，好興奮！不過地獄式無覺瞓嘅生活就從此開始了。希望你快高長大，就好似媽咪咁講，我哋唔祈求你有幾大成就，要你有幾聰明！只係想你成為一個健康，快樂嘅人。咁我哋就心滿意足㗎啦！ - 新屎坑
February 3, 2016 「斷貨」 真係唔知係唔係水波爐效應，好多牌子嘅水波爐都斷貨。而係社交平台有好多人都係度話最近入手嘅水波爐又幾好用。香港地啲地方咁鬼細，要有一部焗爐，一部微波爐同一部蒸爐真係冇乜可能，所以水波爐係三部機集合成一部。本來松下新個部水波爐已經掀起熱話，點知東芝亦都搵咗 Kit Mak 做代言人。我真係有理由相信因為美女廚神效應，搞到東芝部水波爐斷晒貨！
- 大爆炸