判出去


個人分享
Tagged With: , , , , , , , , ,

點解有時自己做到嘅嘢要外判出去做呢?相信好多人都有同樣嘅問題,但係如果從營運嘅角度嚟講,有時有啲嘢真係唔搵人搞唔得!因為如果你將啲時間去搞一啲對你無價值嘅嘢,其實只係浪費時間。唔係話你無可能做到,只不過如果你要用十分鐘做嘅嘢,人哋只係需要一分鐘嘅話,咁點解唔將啲嘢外判出去做呢?咁樣就可以將自己嘅時間空出嚟做其他嘅嘢!

玩具車

相信好多男仔細個嘅時候都會擁有過鐵皮車,當然大家唔會只係得一架咁大把啦。鐵皮車通常都係細細架,大約七八厘米長左右。而價錢方面當然有平同有貴,分別在於架車仔嘅像真度,油漆嘅質量,等等。不過每架鐵皮車都應該會有同樣嘅特徵,包括甩油,窗門爆裂,啲轆無咗或者爛咗,等等。就係因為嚟啲咁嘅戰績,往往就會令到架車變成獨一無二!

信邊個


個人分享
Tagged With: , , , , , , , , ,

雖然美國總統大選都已經塵埃落定,但係好多人都係度討論點解選舉之前嘅民調同數據都話希拉里會勝出?其實老實講主流媒體所獲得嘅數據都係一面倒估計希拉里會勝出,但係問題唔係出於數據本身,而係佢哋嘅數據係如何收集嘅同時數據嘅範圍有幾大幾闊。或者今次係一個漂亮嘅演繹,因為再一次證明要運用數據首先係要從收集有質量嘅數據開始。只要搵到缺口,哪怕你只係得好少嘅數據,其實就已經足夠!

長青文


個人分享
Tagged With: , , , , , , , , ,

一般去簡單分割網上嘅文章都會係突發,正常,長青嚟三大類別。而好多人當然係希望可以寫到一啲長青嘅文章,因為唔會過時之外,亦會對整個網站帶嚟穩定嘅流量。其實點解要寫文章,原因係一個網站如果要俾搜尋器搵到,而且覺得有價值,其實係要好靠內容去帶動。文章就自自然然變得好緊要,因為搜尋器係讀字嘅機器,如果唔夠字嘅話咁就好難俾搜尋器搵到。當大家覺得無用嘅時候,其實係大錯特錯,因為網站同文章先至係最佳拍擋,如果唔係真係鬼搵到你咩!

飲鉛水


個人分享
Tagged With: , , , , , , , , ,

「鉛水」

香港嘅鉛水事件都今日其實仲未解決,只不過而家無咁多傳媒日日跟進,所以好似淡化咗咁。但係好老實講,係唔係單單話水喉直駁位嘅焊接物含鉛就已經可以話搵到個源頭?件事係唔係咁簡單?定係仲有啲嘢隱瞞緊普羅大眾?而家嗰啲所謂嘅專責小組,係唔係有啲自己人查自己人?一句話就將啲問題推晒係啲承辦商同啲焊接位甚至話現時制度要改善係唔係已經足夠?

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。