睇彩數


個人分享
Tagged With: , , , , , , , , ,

香港嘅生活指數真係非常之高!當中住屋應該係最貴,而依家嘅香港人,要買層樓真係好貴難。好多人會話有你無你上咗車先算,而亦有啲人因為一層樓做足一世,變成一個樓奴。老實講係香港作為一個中產真係最慘,因為你又未窮到要住公屋,但係又未必夠首期去買私樓,咁居屋呢?唔好意思你嘅資產或者收入又過咗申請上限,所以你話最慘嘅係唔係中產?

搬屋去


個人分享
Tagged With: , , , , , , , , ,

「空間」

係香港,居住環境係最令人頭痛嘅地方,因為活動空間實在太細,而俾小朋友活動嘅地方基本上同外國係有天淵之別。如果你問我當然係希望自己個仔有多啲活動嘅空間,而係唔係無條件去外國生活,其實又唔係。不過依家好多嘢都係香港建立咗,一時三刻都未必可以話走就走。所以都係搵屋搬咗先,等老婆同郭大少又多啲活動空間。不過依家搵屋真係頭都大!睇嚟睇去都無間啱心水。

痴咗線

「痴咗」

近排好忙,忙到越嚟越少時間睇新聞(主要新聞來源其實係 Facebook)。不過睇到幾篇新聞真係覺得係唔係我唔正常,定係有啲人精神錯亂,痴咗線?有建制派嘅議員竟然提出建議係東鐵線設立水貨客專用車廂?人哋澳洲同英國政府出手幫人買樓,香港政府就話買唔起就唔好買?科技局仲未開就請咗人,仲勁到無啦啦邊咗顧問?不過今日想講水貨同買樓先!

港買樓

「儲錢」

買樓其實係每個香港人都希望嘅嘢!好簡單,人要安居樂業,租樓一來幫人供樓,二來渣頸就命,業主加租一係搬,一係就要俾。搬嚟搬去嘅日子,相信好多香港人試過。所以儲錢買樓係好多人嘅心願,包括我在內。但係香港嘅年輕人要儲幾耐先可以買樓?好彩嘅有屋企幫手,有骨氣靠自己真係有啲難。當一個大學生一出嚟做嘢,一個月搵一萬,你估下佢幾耐先儲夠首期?我講嘅係正常人!

港生活


個人分享
Tagged With: , , , , , , , , ,

「回流」

細細個跟父母移民去咗澳洲,香港慢慢變成自己鄉下。以前讀書嘅時候都係放假先返嚟,到咗自己出嚟做嘢,除咗放假,香港都係中轉站。直至前幾年有個機會重返香港做嘢。其實返到香港做嘢比起其他地方好唔同,自己成日諗香港係唔係長遠發展嘅地方。如果唔係因為自己冇試過長期定居係香港嘅話,我諗我一早走咗!可必咁辛苦留係一個無發展嘅地方。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。