做老竇

好多人會好重視父親節,而我真係比較簡單,只要可以同個仔渡過開心嘅一日就夠,因為真係要珍惜每一日。就算日子有時幾難過都好,做父親嘅責任就係要盡自己嘅所能俾到佢哋一個開心快樂嘅環境成長。見到佢開心真係做乜嘢都無所謂,一個小朋友無嘢緊要嘅得過一個開心快樂嘅童年。時間真係過得太快,真係希望時間可以過得慢啲。

不顧而

香港真係人多車多,有時真心覺得啲舊式停車場啲位真係好鬼窄。所以我鍾意揸啲細車仔,因為就算個啲位窄啲都有機會泊到架車入去。有時啲停車場真係架車大少少都入唔到,或者要好辛苦好小心先至入到去。講真就算細車,有時泊到入去個位,但係真係開門都未必開得到。與此同時因為啲位好鬼窄,真係好驚啲人整花自己架車。所以好多人都會裝汽車攝錄器,但係講真影到又點?真係俾人整花咗嘅話都唔知點追究。

冧屋頂

「考慮」

一般進行天台綠化,需要考慮泥土及水嘅重量,以及屋頂承托力問題。工程需要向屋宇署入則申請,經審批後先可以動工。就算提交嘅設計符合署方要求,但係如果動工時種植過量植被,鋪設太多泥土,都會令到屋頂超出負荷。與此同時亦要計算落雨嘅雨量,如果屋頂嘅排水系統出現問題就會導致積聚大量雨水,引致屋頂不勝負荷而崩塌。

貓之日


個人分享
Tagged With: , , , , , , , , ,

「寵物」

係我未認識我老婆之前,其實從來都無養過貓。細個淨係記得屋企有龜,雀仔,金魚同狗仔。當然唔同嘅寵物有佢哋自己嘅特質同個性,而係香港我覺得養貓會比較識合。因為佢哋自理能力比較高,但係當然唔係話你可以完全唔需要理會佢,只不過你會唔會日日有時間同狗仔落街散步,跑步?但係講到尾,養任何寵物都應該要負責任,唔好因為一時衝動。

飲鉛水


個人分享
Tagged With: , , , , , , , , ,

「鉛水」

香港嘅鉛水事件都今日其實仲未解決,只不過而家無咁多傳媒日日跟進,所以好似淡化咗咁。但係好老實講,係唔係單單話水喉直駁位嘅焊接物含鉛就已經可以話搵到個源頭?件事係唔係咁簡單?定係仲有啲嘢隱瞞緊普羅大眾?而家嗰啲所謂嘅專責小組,係唔係有啲自己人查自己人?一句話就將啲問題推晒係啲承辦商同啲焊接位甚至話現時制度要改善係唔係已經足夠?

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。