網霸權

香港人經常講地產霸權,但係係網絡世界亦都有網絡霸權。如果講到數碼營銷嘅話,基本上絕大部份嘅公司都會投放廣告落谷歌同面書嚟兩間公司。如果係國內嘅話亦都唔係好多選擇,因為都係百度,阿里巴巴同騰訊。而除此之外就係一啲本地化嘅平台!由此可見,因為網上嘅生態圈圍繞著嚟啲公司嘅產品同平台發展,因而形成一個全球嘅網絡霸權!

關鍵字

每個人每日最少都會用谷歌一次,而你記唔記得你自己曾經搵個乜嘢嘅資料,輸入個啲乜嘢關鍵字?谷歌其實就好似一間讀書館咁樣,佢將所有網上面嘅所有資料都收集係自己嘅數據庫入面,再通過唔同嘅方法去分門別類。而每年谷歌都會發佈當年最多人搜尋嘅關鍵字係啲乜嘢!好多人話香港人越嚟越少睇電視,雖然無實質嘅數據但係最起碼二零一七年最多人搜尋嘅關鍵字係同電視劇有關!

宏達電


個人分享
Tagged With: , , , , , , , , ,

全世界最多人用嘅手機作業系統除咗蘋果之外就係安卓系統,基本上除咗蘋果嘅智能手機之外,其他手機嘅牌子幾乎都係用緊安卓嘅手機系統。當然谷歌自己本身都有智能手機,但係如果講普及嘅程度就一定唔及三星。谷歌自己本身最強嘅就一定係軟件方面,以至於硬件嘅話,其實之前佢哋已經收購過摩托羅拉,不過之後就賣咗俾聯想。今次再一次收購宏達電嘅手機研發部門。

人機戰


個人分享
Tagged With: , , , , , , , , ,

人工智能係好多公司夢寐以求嘅技術,雖然仲係起步階段,但係一場圍棋嘅比賽到底將人工智能推到去一個一個乜嘢嘅新嘅階段?雖然有不斷自學嘅能力,但係人工智能仍然仲有好多地方需要學習!因為將圍棋雖然係千變萬化,但係仍然有一定嘅規則要遵守。所以其實仍然係一個預設嘅空間去計算同模仿人類嘅思考模式。雖然谷歌揚言唔會利用人工智能嘅技術係軍事用途,但係人工智能唔係谷歌嘅專利,所以都好難去規管!

做測試


個人分享
Tagged With: , , , , , , , , ,

現今嘅科技真係好犀利,當然以前要係網上面做用戶測試真係好麻煩。真係要勞師動眾先至可以做少少嘅測試,不過依家就可以隨時隨地,話做就做,超級方便。當然過去幾年都試過唔同嘅產品,但係始終好多都唔係免費,甚至要俾好多錢先至用得。對於香港大部份嘅企業,莫講話要佢哋投資落嚟啲測試工具,就連基本嘅數據分析嘅工具佢哋都唔會俾錢去投資。原因係佢哋對數據分析缺乏相關嘅知識!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。