暖化中


個人分享
Tagged With: , , , , , , , , ,

全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!

二十年


個人分享
Tagged With: , , , , , , , , ,

其實點解香港每年都要慶祝回歸?慶祝咗二十年點解仲要慶祝?要香港人記得同面對香港已經回歸中國嚟個事實?定係要年輕一代記住香港永遠都係中國?點解係五十年不變,唔係二十五年或者一百年不變?點都好,香港曾經係英國嘅殖民地嚟個係事實,香港係中國嘅其中一個城市亦都係事實。無人可以推翻歷史,只不過真係有必要每年都要慶祝回歸嗎?究竟要慶祝幾多年先至夠呢?

救地球

其實無人可以否定我哋生活緊嘅地球開始出現咗變化,不論係氣候甚至乎一啲嚴重嘅自然災難,其實都係因為人類不斷消耗地球嘅資源同影響自然生態,導致地球開始失衡嘅後果。所以好多國家都希望將氣候變化嘅速度減慢,與此同時攜手協力去研發新嘅能源同減少碳排放。作為地球村嘅一份子其實係好應該去保護我哋生活嘅地方,好讓我哋嘅下一代有一個更舒適嘅環境成長!

八個月

「成長」

今日郭大少已經踏入八個月。過去八個月嘅變化真係唔少,因為而家開始食固體,識得向後爬同三百六十度自轉,見到手機好敏感知道係影緊佢,好鍾意照鏡,識得俾手叫你抱。當然佢亦有扭計嘅時候,而且眼瞓大過天,真係可以唔食嘢。最鐘意去街,就算幾眼瞓都唔願去瞓。不過有一樣嘢係由出世到而家都無變過就係佢係一個好開心嘅人仔,日日都會笑面迎人,就算再辛苦,有幾多嘅壓力,每當見到佢開心成長就已經足夠!

天氣變


個人分享
Tagged With: , , , , , , , , ,

「氣候」

大家經常聽到氣候變化,地球暖化,而嚟啲變化會直接影響到地球生態,甚至有機會令我哋人類滅亡。大家都話天氣反常,年年都有唔同嘅自然災難,其實都係因為我哋每日消費緊地球嘅資源。雖然現今科技發達,但係有啲嘢其實係唔可能逆轉。真係一去不返!當然係希望有一日科技可以改變到嚟個情況,但係嚟一日蒞臨之前大家其實係唔係應該盡我哋所能去保護地球村嘅所有嘢呢?

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。