好亂呀

唔知點解越嚟越對香港陌生,究竟係啲乜嘢問題?當然每一個社會都可以容納唔同嘅聲音,但係慢慢發現有啲人嘅思想同言論真係無辦法去理解。執法人員竟然知法犯法,但係佢哋竟然係受害者,需要幫忙?我有無聽錯?會唔會因為佢哋濫用私刑,所以導致今日嘅結果?今次有可能係咁啱俾人影到,但係現實又有幾多係大眾睇唔到?咁警察同黑社會有啲乜嘢分別?

最好笑

今日睇到一條片見到成班人為咗捉一隻寵物精靈好似癲咗咁,因為個個揸住部手機對著隻精靈,希望可以捉到佢!其實而家晚晚都有好多人去某啲補給熱點去捉精靈。不過嚟個現象會維持到幾耐呢?其實而家隻遊戲已經出咗一排,究竟有無人已經捉晒呢?其實係網上面見到好多外掛程式,唔駛出街就可以捉到。當然俾人捉到就會封咗個帳號啦!所以搏唔搏就睇你自己啦!

滲透式

「臥底」

唔知係唔係最近大台有播嗰套電視劇,睇到某啲新聞竟然諗起臥底呢樣嘢。因為做臥底不能黑定白,真係要一步一步咁滲入去個機制同組織入面。而嚟種滲透式嘅方法所需要嘅時間好長,唔係一時三刻就可以做到。做戲都有得做啦,三年又三年,三年又三年。只不過如果真係發生係現實社會嘅話,咁你會點?會唔會覺得好安全?其實或者現實真係發生緊!

搵食啫

「搵食」

每年農曆新年,香港好多地方都會出現新年式嘅夜市,香港人食街邊檔嘅集體回憶一般都只會係農曆新年先至會見體驗到。同時好多嚟啲街邊檔真係只會係嚟幾日先至會做生意,簡稱每年開三日咁大把。其實大家都只係想開開心心過年,而當然有啲人只係想趁新年出嚟搵少少錢。講到尾,街邊檔係香港嘅文化,而政府繼續摧毀香港嘅本土特色。

新一哥

「退任」

相信好多香港人都唔會唔記得呢位剛退任嘅前一哥曾偉雄。當然記得嘅唔係咩嘢好嘢,而係佢在任嘅時候嘅種種歪理。不過就算佢卸任又點?警隊嘅形象一落千丈。對於好多仲未解決嘅案件到嚟刻仍然仲未有一個公平嘅裁決。真係留低一大筆蘇州屎俾新一哥去處理!當然佢卸任之後就真係話之你啦,都唔關佢事喇嘛,以後鬧就鬧新上任嗰個!

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。