作反了

近年好多公司都開始發展人工智能嘅技術,當然暫時谷歌係嚟方面嘅發展可以講係比較快。只不過人工智能係唔係已經發展到一個地步可以取代人類,相信仍然需要一段比較長嘅時間。人工智能除咗有自學能力之外,仲有自主嘅能力,不過所有嘢都基於人類嘅智慧。如果無人去寫嚟個程式嘅話,基本上就唔會有人工智能呢樣嘢。所以人工智能係一個個體,而點樣學習其實都係好睇我哋俾啲乜嘢佢!

寫程式


個人分享
Tagged With: , , , , , , , , ,

以前要學編寫程式我諗最起碼要去到大學先至有相關嘅課程。但係今時今日好多國家都已經推動加入編碼課程入小學嘅課程。其實現今社會好多嘢都需要程式,要寫一個程式就要識編碼。而其實睇落編碼有好多語言,但係其實編碼嘅理論都係大同小異。就好似我哋學講語言一樣,有啲好容易學得識,有啲就比較難。當然鐘唔鐘意就見人見智,事關唔係個個都鍾意對住啲程式!

講英文


個人分享
Tagged With: , , , , , , , , ,

「工作」

係好多工作嘅環境,識得英文當然係有優勢,因為大部份嘅商業活動都係以英文為主。尤其如果你係一啲國際大企業入面工作,唔識英文根本上係無辦法生存。就算你識得中文,識得煲冬瓜都無用,因為被地域限制,好多歐美地方就算英文幾差都好,英文始終係一個國際商業嘅語言!而係香港大部份人都會學過英文,而好多時我哋都會係日常生活入面中英夾雜!

廣東話

「方言」

作為一個香港人,當然係講廣東話啦。而廣東話係我哋香港嘅文化,就算係廣東省,佢哋講嘅廣東話同香港都有啲出入。其實每個地方嘅語言係代表嗰個地方嘅文化。如果連有一日香港嘅第一語言唔係廣東話嘅話,咁香港仲係香港嗎?其實廣東話係全世界最難學嘅語言之一,事關單係音調就已經有八至十個。除咗普通話之外,唯一係外國大學有獨立研究嘅語言就係廣東話。

需父幹


個人分享
Tagged With: , , , , , , , , ,

「父幹」

今日係網上面睇到一間公司做內容推廣,而佢嘅手法都幾特別。因為佢嘅對象係一班父母,而啲內容亦都做得唔錯。但係令我令意到嘅其實係一位朋友嘅動態內容,「今時今日,爸爸不易做,要做好爸爸更難。各位爸爸,大家努力、加油!」同佢分享嗰條「成長需父幹」嘅短片。而佢句我覺得好百搭,因為可以將「爸爸」改成「媽媽」,「老公」,「老婆」,「老闆」,等等。。。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。