雷動論

唔知點解好多人都叫我去研究「雷動計劃」,不過係發表我嘅睇法之前我想作出一個聲明。首先我無好深入去了解整計劃嘅計算方法,而我係之前嘅區議會選舉嘅時候已經提過建制派係好識得用數據去配票而達至最佳嘅效益。當然今次有啲議席同候選人係有機會俾「雷動計劃」而影響選情。所以我嘅分析「雷動計劃」係在於個人嘅觀點與角度。畢竟嚟個係非建制派嘗試配票嘅一個嘗試,係值得鼓勵!

得與失

好多人都會計較成敗得失,或者嚟個係社會一直以嚟嘅價值觀。其實點解要去計算?因為只有計算先至可以比較科學化咁將一啲原本無可能計嘅事物數字化。但係只不過人生如果計算得太多,太盡,有時候就算得都變失。而太過介懷得失就會影響自己嘅思維,諗得越多,反而失去越多。有時好多嘢都應該憑自己既直覺同信念去做,計算太多未必係一件好事!

賭大細


個人分享
Tagged With: , , , , , , , , ,

「賭博」

通常越叻計數嘅人佢哋最弱嘅一項會係計算機率,嚟個係一個非官方嘅一個調查。而乜嘢行業係靠機率為生?未就係賭博囉!所以如果你係好叻數據同機率嘅話,基本上你知道越賭得耐嘅你就會越輸得多,事關莊家一定會贏!就好似買大細咁,圍骰基本上係通殺咁滯。而我好多時做決定都會用機率去計算下一步。

計唔到

「計算」

要善用數據去定策略其實唔難,只係好多時唔知係邊度入手,而數據歸數據,係有因先有果。所以唔係樣樣嘢都可以依賴數據,況且環境不斷改變,數據亦都係。好多嘢唔係可以計算到出嚟,就好似人嘅心情咁,係無辦法計算得到。真所謂人心難測!如果所有嘢都可以用咁理性去計算到最終結果,以後嚟個世界就唔會再有咁多意料不及嘅事情發生!

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃!
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據!
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先?