讀書為


個人分享
Tagged With: , , , , , , , , ,

今年真係不斷教書,但係有時真係遇到一啲好奇怪嘅學生。有時心諗其實佢哋究竟點解返學?當然好多人都會選擇去繼續進修,而好多時都係要真金白銀咁俾錢去讀。既然俾咗錢咁點解又唔認真咁去讀呢?唔通真係諗住隨隨便便上完堂,考個試,然後就拎完張證書,等自己可以升職加薪?乜讀書唔係為咗增進知識?嘥咁多錢同時間,為嘅係啲乜嘢呢?如果係咁不如唔好讀啦!

區塊鏈


個人分享
Tagged With: , , , , , , , , ,

區塊鏈係用分散式數據庫識別,傳播同記載資訊嘅智能化對等網絡,亦都被稱為價值互聯網。中本聰係二零零八年,比特幣白皮書中提出區塊鏈嘅概念,並係二零零九年創立比特幣社會網絡,開發出第一個區段,即創世區段。區塊鏈技術基於中心化嘅對等網絡,用開源軟件將密碼學原理,時序數據和共識機制相結合,來保障分散式數據庫中各節點的連貫和持續,使資訊能即時驗證,可追溯,但難以篡改同無法遮蔽,從而創造了一套私隱,高效,安全嘅共享價值體系!

無諗過


個人分享
Tagged With: , , , , , , , , ,

其實有好多日常問題都會有唔同嘅解決辦法。當然科技係其中一樣可以令好多嘢方便咗,就例如以前去睇戲要去到戲院先知有無位,買嘢要行好多地方先知道邊間最平,去食飯唔知間餐廳好唔好食,揸車去停車場唔知有無位,等等。其實嚟啲都係日常生活嘅問題,而現今嘅科技係可以解決甚至乎已經解決咗嘅問題。有時唔係一啲突破性嘅嘢,只要改善到日常生活,自自然然就會有人用!

未知數

人生本來就係充滿未知,如果樣樣都知嘅話咁就唔會係人生。當然每個人遇到好多未知嘅時侯都會不安,甚至乎產生恐懼。但係如果當未知變成已知嘅時候,下一次再遇到相同嘅情況就唔會出現同樣嘅情況。大家又會點樣去面對自己嘅未知?好多時都係見步行步,希望慢慢得到答案。如果因為恐懼而唔去搵出答案,其實只係逃避問題,而唔係解決問題。所以有時要勇敢面對,因為可能會帶比你意外嘅收穫!

抗逆境


個人分享
Tagged With: , , , , , , , , ,

人生就一定有順境同逆境嘅時候,而順境真係要做好逆境嘅準備。所有人都唔希望處理逆境,因為問題真係多到你唔信,有時甚至乎唔知點樣去處理!逆境嘅日子係好難過,但係過咗就慢慢回覆正軌,而好多嘅負面情緒就自自然然會消失。有時最慘嘅係唔知點開口同人講自己嘅問題,因為通常都唔會明。有時就算佢哋聽完其實都無幫助,事關佢哋都幫唔到啲乜!

 
  • 做博客而家做博客其實真係好簡單,簡單到一個人隨隨便便係網上面寫啲嘢就話自己係博客。好多公司會搵博客去唔同嘅地方參加或者體驗唔同嘅產品,然後就希望博客係自己嘅博入面分享下。當然有啲係有錢,有啲係無錢,亦都有啲係邀請你去某啲私人活動。自問就真係冇做博客嘅條件,寫嘢都係因為個人嘅興趣,想了解文字與數據嘅關係,而最緊要係記錄生活嘅點滴。
  • 領導者領導係帶領嘅意思,如果只係一直跟從別人嘅指令去工作嘅話,其實毫無領導可言。而一個成功嘅領導者通常都具備以下嘅五樣特質,當中包括:決斷能力,有同理心,承擔責任,保持樂觀,專注向前!當然領導者亦都有唔同嘅類型,係唔同嘅環境入面會發揮不同嘅作用,所以有時唔係領導者嘅問題而係領導嘅方法未必適合某啲公司嘅文化。用人唯才先至係管理同領導上策!
  • 放得下人一生最重要嘅一樣嘢就係要學識點樣放得低,因為人出世嘅時候係乜都無,離開嘅時候亦都係乜都無。當然人天生係執著,要經歷唔同嘅磨練先至會學會放低。而如果要放低以下十樣嘢嘅話,你又會放得低幾多?當中包括:抱怨,過去,煩惱,自我,脾氣,懶惰,消極,妒忌,猶豫同貪念。人生要活得輕鬆自在唔係一件易事。學識逐一放低其實先至會活得開心。
  • 你可以早前睇到一位朋友分寫咗一篇文章,睇完之後有點當頭棒喝嘅感覺。我哋係嚟個城市,嚟個世代生存,每個人都好努力咁為生活而奔跑。當然世界會變,而好多時亦都因為大家成長嘅年代唔同,亦都經常以一副我食鹽多過你食米嘅態度,慢慢覺得一代不如一代。但係我哋曾幾何時亦都俾上一代給予同樣嘅批評?只係時代唔同咗,與其抱怨社會只會越嚟越差,但係點解又唔諗下點樣令佢變好呢?