美女與

相信好多人都睇過《美女與野獸》呢套經典卡通片!最近嚟套卡通片再一次係大銀幕上演,只不過今次係以真人同電腦特技動畫所拍攝嘅一套電影。雖然入面有啲情節同原著有啲出入,但係啲歌舞真係拍得好好睇。當然最受矚目嘅就係由愛瑪屈臣擔任女主角啦,因為好似自從哈利波特之後,今次係第一次睇佢主演嘅電影。另一方面就當然係比較下《美女與野獸》同《星星夢裡人》啦!

狼人傳

今日終於睇咗盧根,而睇完嘅感覺真係有啲空虛同傷感,除咗因為係一個年代嘅終結之外,係無諗過狼人同教授最終嘅結局會係咁。當然英雄科幻電影通常都會有伏線,相信不久嘅將來又會有新嘅變種特攻電影出爐。只不過會係啲乜嘢嘅故事就真係要到時先知,因為盧根係曉治積曼同柏克史釗域參與變種特攻嘅最後一部電影。但係邊個可以取代佢哋兩個嘅地位呢?就好似以前蜘蛛俠同神奇四俠一樣,角色已經深入民心可能改朝換代。

返校園


個人分享
Tagged With: , , , , , , , , ,

有時我都係度笑自己,因為自己十幾年前有書唔讀走去創業,而家反而每年都有幾會返大學。雖然角色唔同咗,感受亦都唔同咗。每年都會因應市場嘅變化去調整自己嘅教材,務求將最新嘅知識同經驗傳授俾班學生。雖然有時話去教書,其實另一方面係去學嘢,因為係一班年輕人身上係可以學到好多嘢。今日又係新一年嘅開始,希望佢哋唔會俾我嚇親。今年應該係過去咁多年最多人報名嘅一次。

做顧問


個人分享
Tagged With: , , , , , , , , ,

做顧問其實都可以係一個幾乞人憎嘅職業,因為要保持中立,有個句講果句,雖然有時要好圓滑,但係亦都需要直接道出問題所在。當然有啲人會覺得顧問淨係齋講,指手畫腳,但係其實因為身份嘅問題。顧問嘅角色係唔會牽涉內政同外政,當然到最後決策權亦都唔係顧問嗰度。我其實好鍾意做顧問嘅角色,因為可以係唔同嘅項目入面學到唔同嘅知識,同認識好多唔同嘅人!

三眼仔

「卡通」

我都可以話係一個大細路,因為我好鐘意睇卡通片。當然有啲各式我係超鐘意。其中一隻我每次見到佢都各得佢好好笑嘅就係「反斗奇兵」入面個隻三眼仔。我真係買咗好多大大小小嘅公仔,原因係佢哋係戲入面需然係配角,但係好多時都扮演一個好重要嘅角色!

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。