找卡數


個人分享
Tagged With: , , , , , , , , ,

相信好多人都有信用卡,而好多人都因為唔同嘅優惠而申請好多信用卡。有時又因為洗大咗搞到還唔到卡數,所以好多財務公司都會以低息貸款去還高息嘅卡數。當然與其要承擔高昂嘅利息,倒不如將唔同嘅卡數整合,將債務轉移到利息比較低嘅私人貸款。如果你唔再用信用卡消費嘅話,其實嚟個係一個比較精明嘅理財方法。只不過好多財務公司嘅廣告真係好有誤導性!

作反了

近年好多公司都開始發展人工智能嘅技術,當然暫時谷歌係嚟方面嘅發展可以講係比較快。只不過人工智能係唔係已經發展到一個地步可以取代人類,相信仍然需要一段比較長嘅時間。人工智能除咗有自學能力之外,仲有自主嘅能力,不過所有嘢都基於人類嘅智慧。如果無人去寫嚟個程式嘅話,基本上就唔會有人工智能呢樣嘢。所以人工智能係一個個體,而點樣學習其實都係好睇我哋俾啲乜嘢佢!

課金啦


個人分享
Tagged With: , , , , , , , , ,

當然今時今日打機都係上網打,而沉迷打機嘅年輕人真係有好多。要打造一隻可以令玩家不斷課金嘅遊戲其實係一件好難嘅事,因為好多遊戲都只係興一段好短嘅時間,真係可以話係壇花一現!當然點解要課金係一門學問,而好多遊戲開發商都係靠用家嘅數據去設定遊戲嘅難易度,令遊戲嘅壽命可以延長,甚至了解玩家嘅行為而用唔同嘅手法希望佢哋課金。

人機戰


個人分享
Tagged With: , , , , , , , , ,

人工智能係好多公司夢寐以求嘅技術,雖然仲係起步階段,但係一場圍棋嘅比賽到底將人工智能推到去一個一個乜嘢嘅新嘅階段?雖然有不斷自學嘅能力,但係人工智能仍然仲有好多地方需要學習!因為將圍棋雖然係千變萬化,但係仍然有一定嘅規則要遵守。所以其實仍然係一個預設嘅空間去計算同模仿人類嘅思考模式。雖然谷歌揚言唔會利用人工智能嘅技術係軍事用途,但係人工智能唔係谷歌嘅專利,所以都好難去規管!

光污染

唔知大家對光污染嘅認識有幾多,但係香港嘅光污染其實係好犀利。我哋經常談及空氣污染,但係就好少人關心光污染嘅問題。當然香港五光十色嘅街道係一個特色,亦因為咁香港有東方之珠嘅美譽。只不過以前嘅霓虹燈慢慢被大電視逐一取代,光污染嘅情況亦日益嚴重,只係因為大家都覺得好正常所以無理會。其實係世界各地都有唔同程度嘅光污染,而嚴重嘅係會影響自然生態。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。