點忍心


個人分享
Tagged With: , , , , , , , , ,

做人父母,責任係要保護同愛錫自己嘅仔女!就算有啲乜嘢問題都好,小朋友係唔應該被牽涉在內,亦都唔應該將自己嘅問題發洩係小朋友嘅身上。每次睇到嚟啲新聞都唔明點解啲人可以虐待自己嘅仔女!有時見到自己仔女整親都會心痛啦,所以邊度可以咁狠心虐待自己嘅仔女呢?就算到最後得到法律制裁又點呢?對小朋友造成嘅傷害係一世!

林子健

老實講,一開始聽到有民主派嘅人俾內地執法人員擄走,當然覺得好離譜。但係諗深一層就真係有少少奇怪,因為無啦啦劉霞會想要一張美斯嘅簽名相?點解一個人被人虐待之後,竟然唔係去醫院而係返屋企沖涼?最神奇嘅係咁多訂書釘,唔通真係唔痛,點解仲要開咗記者會先?真係好多問號!究竟係真係俾人擄走虐待,定係一個自編自導嘅故仔?無論係點,都真係要查清楚先至知道。

虐兒案


個人分享
Tagged With: , , , , , , , , ,

係香港好多人都會忽略咗家庭暴力嘅問題。而香港的情況嚴重嗎?據政府統計,係二零一七年一月至三月新呈報嘅虐兒個案就已經有二百五十六宗!如果對一歲或以下嘅幼兒大力搖晃,拋接,撞擊,會引致搖晃症,嚴重嘅係會導致失明,癱瘓,意識受損等永久性傷害。而如果對小朋友施暴嘅話,除咗手腳及腦部受損之外亦有可能會傷及內臟。如果大家身邊發生任何嘅家庭暴力,記得一定要舉報!

兒童節

「兒童」

今日係四月四日,希望各位小朋友今日過得開開心心!兒童節,顧名思義係為紀念保障兒童權利、反對虐待兒童或毒害兒童嘅節日。1925年係瑞士日內瓦召開關於兒童福利嘅國際會議上,國際兒童幸福促進會首次提出了「兒童節」嘅概念,號召各國設立自己嘅兒童紀念日。該倡議得到世界許多國家嘅贊同。

 
  • 耐力賽係香港要接觸賽車嚟項運動係一件極度困難嘅事!當然好多人都鍾意賽車,只不過香港就無咁嘅地方同條件去孕育賽車手。好多時要賽車就要去中國先至有正規嘅賽車場。之前係香港其實係有探討過係大嶼山興建賽車場,但係最終都被否決。但係邊個話香港人無能力係國際賽車賽事入面取得好嘅成績?香港都有好多職業嘅賽車手,只不過大家好少關注嚟方面嘅新聞啫!
  • 建築師記得中學嘅時候自己想做建築師,但係就唔記得乜嘢原因,而係外國讀書嘅時候其實係有一個星期比我哋去做工作體驗。當然嗰陣時就去咗一間建築公司返咗一個星期工,不過當然到最後都只係幫手影印文件啦。讀建築其實都幾辛苦,基本上所需要嘅時間同讀醫科差唔多,再加上經常無得瞓,所以最後都無向嚟個方向發展。其實講到尾自己都係鍾意設計多啲。
  • 有嘻哈好多時做巿場推廣,品牌都會顧及自己嘅形象。不過有時自嘲一下真係無妨,就好似「譚仔」同「100毛」合作嘅一條新片。《譚仔有嘻哈》係一套勵志劇?而除咗有粵語同英語之外,仲有譚仔話?吓唔知乜嘢係譚仔話?咁好明顯你無去過譚仔啦!有時品牌係需要大膽啲,當然就算自嘲都有可能係反效果,不過今次譚仔條片真係幾好笑!有時間嘅話不妨睇下笑下!
  • 再見了認識你應該有二十年,因為同你哋一班朋友嘅生活唔同,其實真係好少機會一齊玩。不過唔記得點解大家有一段時間有過深層次嘅交談。雖然生活同社交圈子唔同,不過睇住你拍拖,結婚,生仔,有一個美滿嘅人生嘅時候,兩年前一個大家都會震驚嘅消息令我覺得天意弄人!好多嘢都唔明白,好多嘢都唔公平!自你開始記錄你嘅經歷,你所寫嘅每一篇文章我都有睇完。