茶餐廳

茶餐廳係香港一個重要嘅飲食文化,而茶餐廳前身其實叫做冰室。以前嘅冰室一般都係提供凍飲,雪糕,沙冰等,而且佢哋持有嘅牌照係小食牌,所以唔可以提供熟食。但係茶餐廳嘅牌照唔同,因為係食肆牌,所以可以提供更多種類嘅食品。基本上係香港真係好容易就搵到一間茶餐廳,而家有一啲就扮懷舊,將餐廳個名叫做冰室,就連啲裝修都參考香港五六十年代嘅風格。

飲奶茶

要講香港茶餐廳文化當然唔會少得絲襪奶茶!其實奶茶同蛋撻一樣都係源自英國嘅下午茶,但係傳統嘅英式奶茶係以紅茶為基礎,只用少量牛奶,不用鮮奶油,有時會加入食糖。而港式奶茶點解由叫做絲襪奶茶,其實原因係因為用嚟過濾奶茶嘅棉紗網經奶茶浸泡後,顏色同樣貌就好似絲襪咁嘅樣!但係點解要用棉紗茶袋濾過啲奶茶?原因係令到奶茶比較細滑,同時茶味更加均勻。

菠蘿油

「麵包」

菠蘿包嘅出現其中一種講法係香港人對原來嘅麵包不滿,認為味道唔夠好,所以係麵包上面加咗砂糖等甜味餡料而成。菠蘿包外層表面嘅脆皮,一般係由砂糖、雞蛋、麵粉同豬油烘製而成,係菠蘿包嘅靈魂。因此為平凡嘅麵包加上咗特別嘅口感,最好食嘅就緊係新鮮出爐啦。酥皮要做得香脆甜美,而包就軟身先好吃。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。