原動力


個人分享
Tagged With: , , , , , , , , ,

人要成功就需要有目標,而要達成目標就需要有動力,所以動力係成功嘅源頭。如果無咗動力嘅話,其實就好難達成目標,最終只會失敗收場。所以動力係好緊要,要有動力先至會成功。當然每個人嘅成功標準都唔同,有啲係簡單嘅,有啲係複雜嘅,只不過所有嘢都係要有動力先至做得好。如果有一日你失去咗動力嘅話,相信係應該改變自己嘅時候,或者試下改變目標或者自己成功嘅定義。

考第一


個人分享
Tagged With: , , , , , , , , ,

嚟個世界好多嘢都有一把尺,而嚟把尺係去量度同區分我哋每一個人。只不過嚟把尺係邊個做出嚟嘅呢?當然係讀書嘅時候,每個學生都係用佢哋讀書嘅成績去衡量佢哋叻定唔叻。唔通個個考第一嘅出嚟做嘢都會係一帆風順?一定有一個好心同美滿嘅人生?讀書係為咗增長知識而唔係為咗考試,只不過因為大家為咗分辨每一個人嘅能力而去製造一個量度嘅標準,但係嚟個標準係唔係公平同太過簡單呢?

自信心


個人分享
Tagged With: , , , , , , , , ,

出嚟做嘢自信心係好緊要,有時就好似一個氣場咁,你會感覺到嗰個人有無自信。而自信心係會影響工作嘅心態,與此同時決定你嘅成功與否。舉例,如果你面前有一個機會,而身邊嘅人都對你有信心嘅時候,咁其實會增加你嘅自信,所以無必要去質疑自己嘅能力。相反你被質疑嘅話,咁自己就更加要對自己有信心,唔好比人睇死,做到成績自然會改變其他人嘅睇法。

質疑過


個人分享
Tagged With: , , , , , , , , ,

你曾經有無質疑過自己嘅能力?當然好多時我哋都會高估或者低估咗自己嘅能力,當然成功係需要靠好多唔同嘅因素,但係到最後都係要靠自己嘅能力先至可以達成目標。以前會經常同自己嘅團隊講千祈唔好質疑自己嘅能力,因為無嘢係無可能。所以要成功其實首先要相信自己唔好質疑自己嘅能力,如果唔係其實一開始就已經輸咗!但係返咗嚟香港之後,有時自己都唔知點解會開始質疑自己嘅能力。

競爭力


個人分享
Tagged With: , , , , , , , , ,

做生意就一定會遇到唔同嘅競爭對手,所以要保持自己公司嘅競爭力通常除咗係產品開發之外,服務質素,以及員工都有需要不斷進步。就算今日你係業界龍頭,唔排除過幾年之後就無晒競爭力。係現實當中,有好多公司其實都出現過同樣嘅問題。就算俾你搵到個藍海又點,如果固步自封,沉醉係自己嘅世界,到最後個結果只有一個,就係註定失敗。

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你!
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友!
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。