改試卷


個人分享
Tagged With: , , , , , , , , ,

其實老師教書真係唔係最難,因為出試題都好難!太過簡單又好似測試唔到究竟啲學生學唔學到嘢,太過難又改到自己傻咗!所以出試題都係一門學問!當然每個老師都希望自己嘅學生可以考到好成績!而唯一可以知道啲學生吸唔吸收到啲知識,唯一可以知道嘅就係考試!當然自己都曾經係一個學生,而學生最唔鍾意嘅就當然係做功課同考試!而老師最唔想就係改試卷!

好學校


個人分享
Tagged With: , , , , , , , , ,

每個人十隻手指都有長短,所以每個人都有自己嘅長處同短處。係香港每個家長都好緊張自己仔女嘅成績,雖然大家把口就話求學不是求分數,只不過其實好多時咪又係好介意分數。講到尾其實係教育體制嘅問題,因為學生嘅成績係同分數掛鈎。如果真係有學校真係唔係用分數去量度學生嘅成績嘅話,我相信好多學生同家長都會好開心,只不過就算學校唔求分數個教育機制求分數,所以到最後都好似無得揀!

去面試


個人分享
Tagged With: , , , , , , , , ,

我都有今日啦,不過為咗個仔好其實真係無辦法啦,香港嘅教育制度真係無得頂。終於見識到啲幼稚園係點樣面試一個一歲多啲啲嘅小朋友。當然每間學校都有唔同嘅收生標準,自己嘅教育理念,唔同嘅特色。我自己最緊要就係教育環境,因為始終小朋友佢哋無得揀,都係父母去幫佢哋決定去邊間學校。而每個父母都得一個願望就係入到一間好同適合佢哋嘅學校啦。不過嚟個遊戲真係啱啱先至開始。

真轉行


個人分享
Tagged With: , , , , , , , , ,

「大學」

點解要去教書,無他嘅,因為覺得凡事都要從教育開始。以前就話香港好少人做數據分析,而且無乜嘢地方有培訓課程。所以當香港某間大學邀請我去教書嘅時候我二話不說咁答應咗!不知不覺已經踏入第五年,而當然希望可以提高下一代對數據分析嘅興趣。最希望嘅就當然係我啲學生可以將我所教嘅嘢,用係每一日嘅工作入面,讓更多人了解數據嘅重要性!

改完卷


個人分享
Tagged With: , , , , , , , , ,

「改卷」

每年到咗呢個時間都係大學生考完試,輪到我哋改卷嘅時候。其實有時都唔知係唔係自己攞嚟,因為出卷嘅係自己,改嘅又係自己,所以份卷嘅題目越複雜就越難改。真係搵自己嚟搞。但係如果唔認真啲出題目又點知啲學生學咗啲乜。所以的學生最多都係辛苦個兩三個鐘,但係我哋就要用多好多時間去改卷。之前二三十人都還好,但係今年成五十人就真係大鑊。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。